LUKE 6:20 - Kathara Bible (BSI)

²⁰ Jishuna awui sākhangatha̱bingli yangvāda hānga, “Kachāmbing sokhami ngasāranu, kaja Vare wungram chi nathumwuina.

LUKE 6:20 Iomraidhean Croise

LAA 37:16

Makaphaa kachungkhana mavātlakla khaleiliva, khangarongana kateokha khaleina phāmei.

CHĀNSAM 16:19

Langkasoali ngasoda ngaponkakhui ngayarki kajiwui vanga, kachāmali ngasoda ngahuiri kahai ningngai khalei phāmei.

CHĀNSAM 19:1

Tui masho ngacheida khamatuia mangkhama̱a chile, ningsā ngazipta kazata kachāmana phāmei.

ISAIAH 29:19

Malungkhanima china Prohowui khamathān samphangra; kala miwui ngachaili kachāmabingna Israelwui Kathara Ali mathānra.

ISAIAH 66:2

Ot saikora chi ipāng eina sākhui, chieina ot saikora hi iwuina da Prohona hānga. Kha ina yangki kaji mi chiya, malungkhanim kala ningkhangatei, kala iwui tuili ngacheeda kakathira china.

ZEPHANIAH 3:12

Kaja ina nathumwui alungli malungkhanim kala ngahuirikahai miyur akha haimihaora. Athumna Prohowui mingli ngayin khavai phāra,

ZECHARIAH 11:11

Chithang eina thuida arema sāhaowa, kala yao leihkhalonbingna ili yanglaga hi Prohowui tuina da thei.

MATTHEW 11:5

mik khangapeobingna kathei samphanga, phei katekbing zatpaihaira, phārrei kakazābing tharhaira, khangakhokbing shāpaihaira, kathebingli ringngasakhaira kala kathai kachāmbingli paokaphā hāshokmihaira.

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

MATTHEW 5:1

Mi kachung chi theilaga Jishuna kaphung akhali kai kala ana pamkazang eina awui sākhangatha̱bing awui ngalemli rāpamsera.

LUKE 12:32

“Mangacheealu, he kateowa ashangva̱ kaja wungram chi nathumli khami hi nathumwui Avāva̱wui ringkaphāna.

LUKE 13:28

Nathumna Vare wungramli Abraham, Isaac, Jacob kala marān saikora kathei tharan, kha nathumliva horshok kahai tharan nathumna kachapla chapta ahāla tarira.

LUKE 14:15

Phazākharumbingwui ngachaili akhana tui hi kashā tharan Jishuli hānga, “Vare wungramli phazārumki kaji mi chi sokhami ngasāranu!”

LUKE 16:25

“Kha Abrahamna hānga, ‘Inaomayara, phaningunglu, kaja na ringda leilakha khamathāthāmāng samphanga kala Lazarusva zakkashimāng samphanga; kha ara nana kachot samkaphang tharan ana hili ringkaphā samphangda lei.

LUKE 4:18

“Prohowui Manglā chi iwuitungli lei. Khikhalajila kachāmabingli paokaphā hashok khavai, ana ili thao neomihaira. Narkahaibingli chihomi khavai, khangapeobing theiluishit khavai, chāngkhareng kahaibing ningkhān khavai.

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

2 CORINTHNAO 6:10

khananglala ringphāchinga, chāmlala shānglak kahai thai, khikha maleilala, saikora vaisera.

2 CORINTHNAO 8:2

Athumli yangkhui khavai kakhanang kachungkha eina chāng yanga. Kha athumwui kachām hailaklaga mingrairareo khamili khamathān hāngkhavai maleimana.

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.

1 THESSALONICANAO 1:6

Nathumna ithum kala Prohowui kasākhavā sha̱khui kaja nathumna kachotkachāng samphangsālala paokaphā chi Manglā Katharana khami khamathān chi eina khuisanga.

2 THESSALONICANAO 1:5

Saikora hina Varewui bichar hi khamashungana kaji chithei kala nathumna samphangda khalei kachotkachāngwui athei sāda Vare wungramli zangkhangayena da shānkhuira.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

PHONGKHAMI 2:9

Ina nawui kachotkachāng kala kachām thei, (kha nathum shānglaka). Jehudina da hānglaga maningkasā athumna khamashāt ina thei, athum Satanwui synagogue akhana.

1 SAMUEL 2:8

Ana kachāmali chifawui eina khāngkhui, khavātali hotlāwui eina khāngkhuida, athumli wungnaobingli thuingaren ngasaka, kala maikhayā pam samphang ngasaka. Kaja okathuiwui pakra̱bing Prohowuisera, kala chiwuitungli ana apuk-apagva̱ khaningkai.