LUKE 6:13 - Kathara Bible (BSI)

¹³ Kazing kathang eina awui sākhangatha̱bingli hokhui kala athumwui eina mi tharāda khani kapangkhuida athumli paokazatbing da phokmi;

LUKE 6:13 Iomraidhean Croise

MATTHEW 10:2

Paokazat tharāda khaniwui amingbing chi hina, kharena, Peterla kaho Simon, kala agato Andrew; Zebedeewui naomayara James eina agato John;

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MATTHEW 9:36

Ana yarui ashangva̱li kathei tharan athumli lumashanlakhaowa, khiwui vangkhala kaja athum chi yaokahoma makhalei yaonaobing thada athumli singkharenglaga ngachonkhamela maleithuwa.

MARK 6:30

Paokazatbingna Jishuwuili latungda athumna sākahai kala tamchithei kahai unghānga.

MARK 6:7

Ana tharāda khani chili hokhuida khanini eina chihovai kala athumli raih kashamshok khavai pangshap mi.

LUKE 11:49

Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’

LUKE 22:30

Chiya nathumna iwui wungramli phāshak-phazāpamra kala wungpamkhongli pamlaga Israelwui shang tharāda khaniwuitungli nathumna mungra.”

LUKE 6:14

chiya, Peterla kaho Simon kala agato Andrew; James eina John, Philip kala Bartholomew,

JOHN 4:33

Chieina athum akha eina akha, “Kachikathāna ali kashakazā khuiungmihairala?” da ngazek ngaroka.

OTSAK 1:13

Athumna keinung chili kazang eina Peter, John, James, Andrew, Philip, Thomas, Bartholomew, Matthew, Alphaeuswui naomayara James kala Zealot kaho Simon kala Jameswui naomayara Judaslong pamkasa mathāng atowui kā chili kai.

EPHESIANAO 2:20

Nathumla paokazatbing eina marānbingna sākakā shimphung chiwuitungli sākā kahaina kala Khristana chiwui akhokana.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

HEBREWNAO 3:1

Varena hokhui kahai kathara ivānaobing, ithumna hāngkaphata paokazata kala pāngmon kharei Jishuli phaninglu.

2 PETER 3:2

achālakha kathara marānbingna hāngmarānmi kahai kala Huikhame Prohowui ningkhami chi nathumwui paokazatbingwui mangā eina phaningungchingphalungra.

PHONGKHAMI 12:1

Chiwui thili matakhak kahai akha kazingramli shoka: sha̱nao akha zimik eina sāri sai, kachāngli pheinai sai, kala awui kuihonli sirā tharāda khani kāda leisai.

PHONGKHAMI 18:20

Awui kashimānwui vang mathānlu, He Kazingram! Mathānlu, He katharabing, paokazatbing, marānbing! Nathumwui vang Varena ali mashun bichar sāmihaira!

PHONGKHAMI 21:14

Keinung chiwui phākho shunkhui khavai ngalungphei tharāda khani lei, kala chili Yaonaowui paokazata tharāda khaniwui aming kapihai.