LUKE 6:12 - Kathara Bible (BSI)

¹² Chitharan Jishuna seihā sākhavai kaphungli vāda ngayā pongda Vareli seihā sāpama.

LUKE 6:12 Iomraidhean Croise

LAA 22:2

O iwui Vare, ina ngashun ngakaowa, kha nana mangahānkāmimana, ngayā jiakha khangasām masamphangmana.

ISAIAH 26:9

Imanglāna nali ngayā phai; kaja okathuili nawui bichar theilaga apuk-apagawui mibingna nawui khangarong theikhui.

DANIEL 6:10

Kakaso shoi sāhaira kaji theilaga Danielna awui shim mathāng atoli kāda, Jerusalemshong khalei charfa ngalemli khuktida Vareli ningkashi eina thangkhali kathumshida khangachā makailakla seihā sāchinga.

MATTHEW 5:1

Mi kachung chi theilaga Jishuna kaphung akhali kai kala ana pamkazang eina awui sākhangatha̱bing awui ngalemli rāpamsera.

MATTHEW 6:6

Kha nana seihā kasā tharan nawui kāli zangda khamong shunghailaga mik eina makathei nathumwui Avāli seihā sālu, kala ngathum kahai saikora katheia nathumwui Avā china nali sāman mira.

MARK 1:35

Akhama kathā ngathorthakva̱, kazing mahorranglakha ana ngakarthuida ngachakyāng kahai apam akhali seihā asāpama.

MARK 3:13

Ana phungreili kai kala ana ngayurzatkhangaibingli hokhui; kala athumna awuili rai.

MARK 6:46

Athumli ngapak kahaiwui thili ana phungreili seihā sākhavai vai.

LUKE 5:16

Kha ana lamhāngli vāda seihā vāsāthuihaowa.

LUKE 6:11

Kha athumna Jishuli malungvātnāhaida khi sāsikhala da akha eina akha ngazek ngaroka.

LUKE 6:17

Chiwui thili ana athumli ngasoda hamchamri kahai apam akhali tānganinga kala chili sākhangatha̱bingla, Judeawui, Jerusalemwui, kala Tyre eina Sidonwui ngayipheiwui eina kharā mi zangserda mi kachungkha kazipa;

LUKE 9:18

Thang zimikshoka Jishuna amāng seihā sāda leilakha sākhangatha̱bingla awui ngalemli leisai, kala ana athumli ngahāna, “Ili mibingna khipāna jikhala?”

LUKE 9:28

Tui hi hānghailaga zimiksho chishatthangwui thili Jishuna Peter, John kala James athumli thānphungda seihā sākhavai phungreili kai.

LUKE 9:29

Ana seihā sāmahunglakha awui zakmai onhaowa, kala awui kachonla charshi eina horchamrihai.

JOHN 6:3

Jishuna kaphung akhali kāda awui sākhangatha̱bingli ngasoda apama.

COLOSSIANAO 4:2

Mathāhailakla seihā sāchinglu, kala Vareli ningkashi mida nathumna seihā sālu kala ningngasharlu.

HEBREWNAO 5:7

Jishuna okathuili ringlakha kathiwui eina huimi khavai Vareli chara̱ tāda panglāk eina ringngāda seihā sai. Kala ana malungkhanim eina ning horsangchao kajiwui vang Varena khuisangmi.

1 SAMUEL 15:11

“Ina Saulli awunga sākhangasak hiwui vang I wukkhananghaira; kaja ana iwui thi mashurla ngareithuihaira, kala iwui ningkhamibing mamayonmana.” Chieina Samuel malungvāthaida ana Proholi ngayā seihā sāthai.