LUKE 5:5 - Kathara Bible (BSI)

⁵ Chieina Simonna ngahānkai, “Amei, ithumna ngayā pongda phāhaira, kha khikhala masamphangmana. Chithālala nawui kakaso athishurda ina horsangluiga.”

LUKE 5:5 Iomraidhean Croise

EZEKIEL 47:10

Khaikaphānaona shamadrupheili nganingra; En-gediwui eina thuilaga En-eglaim eina tangda khailan khangkhavai pam ngasāra, Great Sea thāda khaihyurla kachungkha zangra.

LUKE 17:13

panglāk eina vaoda hānga, “Amei Jishu, ithumli khalumashanmilu.”

LUKE 8:24

Chieina athumna ali vāmathotkhuilaga hānga, “Amei, Amei, ithum shimānki jiura.” Chieina ana ngakarthuida masi kala khangaphao chili ngasām khavai kakaso eina va̱rihaowa.

LUKE 8:45

Chieina Jishuna ngahāna, “Ili rāsākaza̱ chi khipākhala?” Saikorana I maningmana jiser kahai eina Peterna hānga, “Amei, nali mi kachungkhana puiruikhamda ngaheikazamda leili!”

LUKE 9:33

Mi khani china Jishuwui eina thuikahai eina, Peterna ali hānga, “Amei, ithum hili leikasā phālakhaira; ithumna rāmnao kathum sākhuisa, nawui vang akha, Moseswui vang akha kala Elijahwui vang akha”— Ana khi kahāngkhala kaji matheimana.

LUKE 9:49

Johnna hānga, “Amei, mi akhana nawui ming singda kameo kashamkashok ithumna thei, kala ali ithumna chithada masāluialu da khāmhaowa, khikhalajila a ithumwui mi maningmana.”

JOHN 15:14

Ina kakaso chi nathumna saakha, nathum iwui ngasotnaona.

JOHN 2:5

Chieina ava̱va̱na raobing chili hānga, “Ana kahahāng chi sālu.”

JOHN 21:3

Simon Peterna athumli hānga, “I khaih aphaura.” Athumna ali hānga, “Ithumla nali ngasoda vara.” Chieina athumna marikhongli kātonga, kha ngayā pongda athum akhala makhuimana.