LUKE 5:38 - Kathara Bible (BSI)

³⁸ Kha drakhāra̱ kadhar chi sāhuikhao kadharli sangphalungra.

LUKE 5:38 Iomraidhean Croise

EZEKIEL 36:26

Ina ning kadhar sangmira, kala ina manglā kadhar sangmira; kala ina ngalungwui malung chi khuishokhaida asāwui malung phonmira.

MATTHEW 9:17

Chi tākam eina khipānakha kadhara drakhāra̱ chi kachama drakhā sāhuishonli mathaisangmana; thaisangakha sāhuishon chi ngawokhaida atheira̱ chi heitha̱serhaowa kala shonla shimānhaowa. Kha kadhara drakhāra̱ chi kadhara sāhuishonli thaikasang khangachāna, chithākha khanini mashimānmana.”

LUKE 5:37

Khipānakha drakhāra̱ sangkhavai sāhuikhao kachamli drakhāra̱ kadhar mathaisangmana; thaisangakha kadhara drakhāra̱ china khao chi ngawokkhaida heitha̱haora, khaola shimānhaora.

LUKE 5:39

Kala khipānakha drakhāra̱ arar mangkahaiwui thili anui mamangngailui mana kaja ‘Arar phāmeiya’ da ana hānga.”

2 CORINTHNAO 5:17

Chiwui vang eina kachikathāna Khristali leiakha a kadhara pāngsemna; kachama chi kānthuihaira, yanglu; kadhara chi rāhaira.

GALATIANAO 2:4

Ithumna Jishu Khristali khangashikwui eina ningkhān samphang kahaiwui apongli ngathum sāda rāra̱yangkhui khavai mi kaikhana shitkasang khangarumbingna da sāreklaga ithumwui kānglupli rāngathisanga. Athumna ithumli makaphā rao salui ngasakngaiya.

1 TIMOTHY 4:8

Phasāwui pongli tamkakhui tongkazā chi kateokhamaya, kha Vareli kaphaning hiya aruihonwui mirinlila, rāki kaji mirinwui vangla khangashit khaleiwui vang apong kachiva̱li tongzai.

PHONGKHAMI 21:5

Wungpamkhongli kapama china hānga, “Yanglu, ina ot saikora dharngasakta lei!” Ana hānglui, “Hi kapikhuilu; khikhalajila hi makhangapata khamashung tuina”,