LUKE 5:32 - Kathara Bible (BSI)

³² Iva khamashung-khangarongbingli hokhui khavai kharā maningmana, kha morei kaphungbingli ning ngateikhui khavai hokhuikida kharāna.”

LUKE 5:32 Iomraidhean Croise

ISAIAH 57:15

Kajuiya khamaso kala mashimānda khalei Kathara kahopa china hithāda hānga, “Kajuiya katharapamli ina pama, ning ngateida hamkasanga ali ngasoda; hamkasangabingwui manglā thuimathuk khavai, ning khangateibingwui wuklung mathuk ngasak khavai sāmi.

MATTHEW 18:10

“Naoshinao kateowa akhalila ningachai kahai masaalu, khikhalajila nathumli kahāng hina kaja athumwui kazingraobingna kazingramli khaleia Ishāvawui mai theichingda lei.

MATTHEW 9:13

Vālu laga ‘Ina kachigat maningchāngmana kha lukhamashan ningkachāngna’ da kahāngwui kakhalat khikhala kaji angahānkhuilu. Kaja ina khamashung khangarongbingli hokhui khavai kharā maningmana kha morei kaphungbingli hokhui khavai kharāna.”

MARK 15:10

Kaja yuishāt eina pāngmon akhokabingna Jishuli awui pāngli horsangkhamina kaji ana thei.

MARK 15:7

Ngakukshaoli mi shaokathatli zangda phatopli narkahaibingwui ngachaili Barabbas kaho mi akha leisai.

MARK 2:17

Jishuna chi kashā eina athumli hānga, “Kazāt makhaleibingna khānong mahomana, kha kakazābingna kahona. Ina khamashungbingli hokhuikida kharā maningla, kha morei kaphungbingli hokhuikida kharāna.”

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

LUKE 19:10

Kaja miwui Naomayarana shimān kahaibingli phākhuida huimi khavai kharāna.”

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

LUKE 5:31

Chieina Jishuna athumli ngahānkai, “Kazāt makhaleibingna khanong mahomana, kha kakazābingna kahona;

LUKE 5:33

Athumna ali hānga, “Johnwui sākhangatha̱bingna toilak eina khumda seihā sai kala Phariseebingwui sākhangatha̱bingla chithada sai, kha nawui sākhangatha̱bingva phāshak phazāpamli.”

OTSAK 17:30

Achālakha matheithangkhameiwui vang Varena yangkateomisai, kha apam kachiva̱li khalei mikumo saikorali ningngatei khavai ana kasoi.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

OTSAK 3:26

Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

OTSAK 5:31

Varena ali Isrealnaobingli ningngateida, morei pheomi khavai kathāna Huikhame akha sāngasakta awui yāshong chipama.

2 PETER 3:9

Prohona ngashit kahai chi aruila maungshung ngasakmana da kaikhana phaninga, kha mi khipālikha mashimān ngasakkhangaiwui vang ana nathumli ngaraikhamina, kaja mi saikorali athumwui moreiwui eina ningngateikhui ngasakngai.