LUKE 5:26 - Kathara Bible (BSI)

²⁶ Chieina athum saikora matakhakhaoda Vareli masochikata; kala khangacheena pemtinghaida “Ithumna matheisālak kaji ot aja theihaira.” da hāngngaroka.

LUKE 5:26 Iomraidhean Croise

JEREMIAH 33:9

Ina athumli kaphā sākhami chi kathei kashā okathuiwui miyur saikorawui mangāli, keinung hi iwui mingwui khamathān, masot kala tekhamatei ngasāra, ina khamathā sākhami kala mataisang khangasak saikora hiwui vang athumna ngacheeda kathirra.”

HOSEA 3:5

Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

MATTHEW 12:23

Kala mi saikora china matakhakhaoda “Hi Davidwui naomayara chilā?” da ngazek ngaroka.

MATTHEW 28:8

Chieina anina khangcheela thā, khamathānla thā da chikhurpamwui eina katotsisi thuihaowa kala sākhangatha̱bingli ngasamvāhaowa.

MATTHEW 9:8

Yaruina chi kathei tharan athum ngacheehaowa kala mikumoli hikathā sāshap-pangshap khame Vareli athumna masochikata.

MARK 2:12

Ana ngakarthuilaga hengsāda awui pet khuiphungda athumwui mangāli phongshar eina zatshokhaowa. Chi kathei eina athum matakhakhaida Vareli sochikatta hānga, “Hikatha hi rida ithum matheilakranga.”

LUKE 1:65

Chieina khongnainaobing saikora ngacheeshunhaowa kala shokkahai otshot saikora hi Judea kaphungwui kha̱wung kachida ngazeklophaowa.

LUKE 5:8

Kha Simon Peterna chi kathei eina Jishuwui pheizingli ngakhumzangda hānga, “He Proho, iwui eina kathuimihaolu; kaja I morei kaphunga mina.”

LUKE 7:16

Kashok chi theilaga athum ngacheelakhaowa kala Vareli masot chikatta hānga, “Ithumwui ngachaili marān kahaka akha shokhaira! kala Varena awui miyurli huimi khavai phaningmihaira!”

LUKE 8:37

Chieina Gerasa ngaleiwui kuikhamareili kapāna mibing saikorana ali athumwui eina thuimihaolu da poi; kaja athum ngacheenāhaowa. Chieina ana marikhong tongkhuiphungda latunghaowa.

OTSAK 4:21

Chi kahāng eina athumna mibingli khangacheewui vang, anili kashong lāngkhavai shongfa masamphangthuda hāngmachinlaga thuingasakhaowa. Chi mi saikorana theilaga Vareli masot chikata.

GALATIANAO 1:24

Kala hithada iwui vang eina athumna Vareli sochikata.