LUKE 5:22 - Kathara Bible (BSI)

²² Jishuna athumwui ngahān khangarok chi theida athumli hānga, “Khisāda nathumwui wuklungli machukphāphākhala?

LUKE 5:22 Iomraidhean Croise

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

LAA 139:2

Ina pamlala kala nganinglala nana thei; katāva̱wui eina iwui ning nana thei.

CHĀNSAM 15:26

Makhayāwui kaphaning Prohowui mangāli ningkakachaina, katharawui tuina ali ningyāng unga.

ISAIAH 66:18

Kaja ina athumwui ot kasā kala kaphaning theisera, kala miyur saikora, tuiyur saikora kazipkhui khavai ina rārāli, kala athumna iwui tekhamatei rātheira.

EZEKIEL 38:10

“Proho VAREna hānga: Chithanghon nawui ningli raza̱da makaphā ot sākhavai chukmaja̱ra,

MATTHEW 12:15

Khangarān kasā chi theilaga Jishuna apam chiwui eina thuihaowa. Kala mi kachungkhana athi shurvai kala athumwui kazāt saikora raimi,

MATTHEW 12:25

Jishuna athumwui kaphaning chi theihaoda athumli hānga, “Khalatta ngayarkazam kahai ngalei kachiva̱ shimānhaora kala keinung nilala, shimkhur nilala khalatta ngayarkazamhaiakha manganingrarmara.

MATTHEW 9:4

Chieina Jishuna athumwui kaphaning chi theida hānga, “Nathumwui wuklungli khisāda makaphā ning phaningphāphākhala?

MARK 8:17

Chi theihaoda, Jishuna athumli hānga, “Khamui makhuikaphungwui vang khisāda nathum ngazek ngarokhala? Nathum aruila mamachukrang kala bhap matārangla? Nathumwui ning makanghaola?

LUKE 24:38

Kha ana hānga, “Khisāda ngacheeda ningli chukmaja̱phāphākhala?

LUKE 5:21

Chieina ain kathembing eina Phariseebingna athum khalatta kapupta hāngngaroka, “Vareli kachipat tui khamatui hi khipākhala? Vare maningla khipāna morei pheomishapkhala?”

LUKE 5:23

‘Nawui morei pheomihaira’ kaji eina ‘Ngakarthuida zatulu’ da kahāng kachipā paimeikhala?

OTSAK 5:3

Chiwui thili Peterna hānga, “Ananias, kathada nana chipeewui tui khuilaga Manglā Katharali kapikta lam khayorwui aman ngayarda thumhaokhala?

HEBREWNAO 4:12

Varewui tui hiya kharinga kala pangshapana. Zankhangasung raighaili zanmei. Hiya kharing eina manglā ngashik khavai pam, kala ara̱-ngasun eina angating ngachaipam kachida vāza̱sera. Miwui ningkachāng kala kaphaningla hina kashikaphā chitheimi.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.