LUKE 5:10 - Kathara Bible (BSI)

¹⁰ Chithada sāda Simonwui ngasotnaobing, Zebedeewui naomayara James eina Johnla matakhakhaowa. Chieina Jishuna Simonli hānga, “Mangacheealu, hiwui eina thuida ara na mi kapha ngasāhaora.”

LUKE 5:10 Iomraidhean Croise

MATTHEW 13:47

“Latluida, kazing wungram chiya shamadruli khaihlan horsanglaga khai ayur kachiva̱ phākakhui kathāna.

MATTHEW 14:27

Jishuna heng sāda hānga, “Pingmeilu, ina; mangacheealu.”

MATTHEW 20:20

Chiwui thili Zebedeewui naomayara khanili ava̱va̱na thānlaga Jishuwui mangāli khuktizangda kachikatha akha sāmi khavai rāpoi.

MATTHEW 4:19

Ana anili “Ithi shurlu, ina nanili mi kaphā mi sāngasakra” da hānga.

MATTHEW 4:21

Chiwui eina zatmamānlaga khangatei chinaoni Zebedeewui naomayara James eina agato Johnla avāva̱ Zeebedeeli ngasoda athumwui marikhonglungli athumwui khaihlan khopkasā theida anilila hoi.

MARK 1:17

Jishuna anili, “Ithi shurlu, nanili ina mi kaphā sāngasakra” da hānga.

LUKE 5:7

athumna marikhong khangateili katonga ngasotnaobingli rāngachonmi khavai apāng yapvai. Chieina athumna rāda marikhong khanini chi khaihna pemhaida ritnā kahaiwui vang marikhong chi ngaphumki jihaowa.

LUKE 5:9

Athum khaih sorkhangasai horkakhui chi theilaga ala kala ali khangaso saikorala matakhakhaowa.

LUKE 6:14

chiya, Peterla kaho Simon kala agato Andrew; James eina John, Philip kala Bartholomew,

JOHN 21:2

Chili Simon Peter, Ngashirra kaho Thomas, Galileewui Cana eina kharā Nathana-el, Zebedeewui naomayara khani kala Jishuwui sākhangatha̱ khangatei khani da kazipsai.

OTSAK 2:4

Chieina athum Manglā Katharana pemtinghaoda Manglāna athumli matui khangasak tuiyur khangatei eina matuiphokhaowa.

2 CORINTHNAO 8:23

Titusva ili ngalengda sakruma kala nathumwui ngachaili otram ngatha̱kharuma akhana. Ali ngasorāki kaje avānao khani chiya Khristali tekmatei khavai churchbingwui pao kaphungabingna.

2 TIMOTHY 2:26

Chieina athumna ning phākhuida, chipeena rao sākhavai tuknar kahaiwui eina athum yāmshokpaira.