LUKE 4:43 - Kathara Bible (BSI)

⁴³ Kha ana athumli hānga, “Ina khangatei keinungbinglila Vare wungramwui paokaphā hi hashokphalungra; kaja hi sākhavai ili kashirātna.”

LUKE 4:43 Iomraidhean Croise

ISAIAH 48:16

li rānganaida hi nganālu, haokaphok eina thuida ina ngathumda mamatuiranga, chi rākashok atamwui eina thuida I chili leihairasai.” Ara Proho VAREna awui manglā ili chihorāhaira.

MATTHEW 4:23

Jishuna Galileewui apam saikorali vāda athumwui synagogueli tamchithei, wungramwui Paokaphā hāshoka kala mibingwui kazāt ayāyāva̱ raimi.

MARK 1:35

Akhama kathā ngathorthakva̱, kazing mahorranglakha ana ngakarthuida ngachakyāng kahai apam akhali seihā asāpama.

JOHN 20:21

Chieina Jishuna hāngluishita, “Nathumli chingrihairanu. Avāna ili kashirāt thada ina nathumli kashivātna.”

JOHN 9:4

Ngashun horda leilakha ili kashirātawui ot chi ithum sāphalungra. Ngayā kharā tharan khipānakha masārarmara.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

2 TIMOTHY 4:2

Tui chi hāshoklu, kumkashok kumkazang mayangalu, theikhui ngasaklu, machinlu, katomlu, ningzingharingda tamkachithei machokchaihailu.