LUKE 4:29 - Kathara Bible (BSI)

²⁹ Chieina athumna ngakarthuida ali keinungwui eina shimenshoka kala athumwui keinung sakā kahai kaphungton chiwui eina sha̱tā khavai ali thānvai.

LUKE 4:29 Iomraidhean Croise

2 THOTRINCHĀN 25:12

Judahwui mibingna khangatei thingtharā tukkhuilaga lunghārtungli khuikāda chiwui eina hortāda zangshirthatserhaowa.

LAA 37:14

Makaphaana raighai sutkhui kala malā huna, kachāmkhangaibingli khuitā khavai, ngarongrik eina kazatbingli sāthat khavai;

MISHĀN 15:35

Chieina Prohona Mosesli hānga, “Mipa chili shaothatphalungra, yarui ashangva̱na ali rāmrah ayarli khuishokta ngalung eina horthatra.”

LUKE 4:28

Tui chi kashā eina Synagogueli leikasā mi saikorana malungvātlakhaowa.

JOHN 8:37

nathum Abrahamwui naotunna kaji ina thei, laga nathumna iwui tamkachithei mamayāmada ili shaothat khavai sai.

JOHN 8:40

Kha Varewui eina shākhuilaga nathumli khamashung tui chi khamatui ili nathumna shaothat khavai ngarānda lei. Abrahamna hithada masālakmana.

JOHN 8:59

Chieina athumna lunggui ngamuikhuilaga Jishuli horkida sai; kha Jishuna khorumshimwui eina ngathum sāda shokhaowa.

HEBREWNAO 13:12

Chithada sāda Jishunala awui ashee eina mibingwui morei tharmi khavai keinungwui ayarli thimi.