LUKE 4:25 - Kathara Bible (BSI)

²⁵ Kha ina nathumli mashuntui hi kahāngna, “Elijahwui atamli zingkum kathum, kachāng tharuk Varena kazing maro ngasakthuda apam hupva̱li chāmrei kharā tharan Israelli ra̱meinao kachungkha leisai,

LUKE 4:25 Iomraidhean Croise

1 WUNGNAOBING 17:1

Chitharan Gileadli khalei Tishbewui Elijahna Ahabli hānga, “Makashimāna Israelwui Proho Varewui mangāli ina nganingda kahāngna kaja, iwui kakaso maningla atam kasāngkha kazingla maromara, ikra̱la matāmara.”

ISAIAH 55:8

Kaja “Iwui kaphaning nathumwui kaphaning mathāmana, iwui shongfala nathumwui shongfa mathāmana da Prohona hānga.

MATTHEW 20:15

Iwui khalei chi ina sākhangaingai masāpaimara kaji leilā? Lha ina hānkaphāwui vang mikpaikashikhala?’”

LUKE 10:21

Pung chichangli ana Manglā Katharawui mangā eina khamathān samphangda hānga, “He Avā, kazingram eina okathuiwui Proho, ina nali masotchikatli kaja nana otbing hi thangkhamabing eina theishingkakhuibingwui eina ngathumihailaga angangnaobingli chitheimihaowa; mha, Avā, hikathā hi nawui lukhamashanwui kaphaningna.

ROMNAO 9:15

Kaja ana Mosesli hānga, “Ina lumashankhangai chili lumashanra, leishikhangai chili leishira.”

ROMNAO 9:20

Kha Vareli ngahānkākashapa na khipākhala? Ngaleihamna hamkasā chili “Ili khisāda hithada sākhala?” da hangpairalā?

EPHESIANAO 1:11

Ot saikora Varewui khangarān kala kaphaning athishurda kashokna, kala awui kharin haokaphokwui eina ana ngarānping kahai chili pheisin sāda ithum Khristali khangashiklungli awui mibing sākhavai Varena kapangkhui kahaina.

EPHESIANAO 1:9

Varena awui kharin chi sai kala Khristawui mangā eina tongda ungshung ngasakki kaji ngathum kahai khangarān chi ithumli theingasakhaira.

JAMES 5:17

Elijahla ithum thada phasā khavaia mina. Ana kazing maro khavai panglāk eina seihā sai, chieina zingkum kathum, kachāng tharuk okathuili kazing maromana.

PHONGKHAMI 11:6

Ani hi kazing shungkham khavai pangshap lei, chieina anina khamarān atamli kazing maromara; kala tara̱ ashee onkhavai ura̱okwuitungli aniwui pangshap lei, okathuili kazātkashishi rāngasak khangangaili chihoshapa pangshapla lei.