LUKE 4:23 - Kathara Bible (BSI)

²³ Chieina ana hānga, “Makahatlakla chānjam tui hi nathumna ili hāngra, ‘Khanong, na khalatta raikhuilu, nana Capernaumli sākahahai ithumna shākahai chi naram ngaleilila sālu’ jira.”

LUKE 4:23 Iomraidhean Croise

MATTHEW 13:54

kala aramli hanungda ana athumli synagogueli tamchithei, chi kashā mibing china matakhakhaoda athum akha eina akha ngazek ngaroka, “Mipā hina hikathā awor kala hakkhamahā otsak hi kachiwui eina samphangkhala?

MATTHEW 4:13

Ana Nazarethli mapamluila Zebulun eina Nephtaliwui leiretlungli kazanga shamadrupheili khalei Capernaumli vāpama.

MATTHEW 4:23

Jishuna Galileewui apam saikorali vāda athumwui synagogueli tamchithei, wungramwui Paokaphā hāshoka kala mibingwui kazāt ayāyāva̱ raimi.

MARK 6:1

Ana apam chiwui eina thuihailaga awui ramli unghaowa; kala awui sakhangathabingna ali shurzata.

LUKE 2:39

Prohowui ain athishurda athumna ot saikora sākup kahai eina Galileeli khalei athumwui keinung Nazarethli latunghaowa.

LUKE 2:51

Chiwui thili anili ngasophungda Nazarethli latungda ana aniwui kahāng nganai kala ot saikora hi ava̱va̱na wuklungli tipsanghai.

LUKE 4:16

Chiwui thili ana ali nganaokakā ram Nazarethli hanunga kala khangachā sākasā thada ana sabbaththang Synagogueli vai. Kala ana lairik pākhavai thuinganinga.

LUKE 4:31

Chiwui thili ana Galileewui keinung Capernaumshong tāda sabbaththang athumli tamchithei.

LUKE 4:35

Kha Jishuna makathar manglā chili kaharda hānga, “Akhon mashoklu, awui eina shokhaolu.” Makaphā manglā china ali horkarsanghailaga zakkashi khikha masāla awui eina shokhaowa.

LUKE 6:42

Namikli thingngumrikha kazang chi matheirarlaga kathada nachināli, ‘Itao, namikli khayim kazang chi ina kheimiga’ da hāngpairakhala? He phākakhaninga, namikli thingngumrikha kazang chi rida kheishokhaifalu, chiwui thili nachināwui mikli khayim kazang chi kheishokmi khavai mathingrik eina theira.

JOHN 4:28

Chieina sha̱nao china awui tara̱ham haihailaga keinungli latungda mibingli hānga,

2 CORINTHNAO 5:16

Chiwui vang eina ithumna ara okathuiwui ningphanin eina mi khipālikha maphaningluimana. Atam akhali Khristali okathuiwui ningphanin eina phaningsai, kha ara chithada maphaningluimana.