LUKE 4:2 - Kathara Bible (BSI)

² Chili zimiksho hangmatithang ali chipeena suipama. Ana zimiksho chirankha khikha mazā-mamang kajiwui vang akuplamva thailakhaowa

LUKE 4:2 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

1 WUNGNAOBING 19:8

Ana ngakarthuida phāshak phazāda Varewui kaphung Horebli ngashun hangmati ngayā hangmatithang zangda vai.

ESTHER 4:16

“Zatlu, Susali khalei Jehudi saikora phākhuida iwui vang kakhum eina pamlu; ngashun ngayā kathumthang khikha mazā mamangalu. I eina iwui rao sha̱naobingla nathumwui thāda khumra. Chiwui thili, ain maninglala ina awungawuili vāra; kala chili I thikha thihaira.”

SHONGZĀ 24:18

Kala Mosesna muiyālungli zangda phungreili kai. Kala Moses ngashun hangmati kala ngayā hangmati da phungrei tungli kāpama.

SHONGZĀ 34:28

Kala ana Proholi ngasoda chili ngashun hangmati kala ngayā hangmatithang pama; kazāla mazāmana lah khamangla mamangmana. Kala ana lungphektungli tuingashitbing, ningkhami tharā chi kapisanga.

JONAH 3:7

Kala Nineveh katongali pao chishatta hānga, “Awunga kala wungva̱-wungvābingwui kakasona kaja miranu, sāranu, sha̱keiranu, khikha mamazapailakmara, maphauipaimara, mashimanpaimara;

MATTHEW 21:18

Ngathorshong, keinungli latkhaung tharan Jishu thaihaowa.

MATTHEW 4:2

Kala ana ngashun ngayā hangmatithang khumpama, chiwui thili A thaihaowa.

LUKE 4:3

Chipeena ali hānga, “Na Varewui naomayarana jiakha lunggui hi khamui onkhavai kasolu.”

JOHN 4:6

Jacobwui ra̱khong chi chili lei, kala Jishuna ram zatta chothaoda ra̱khong chiwui ayarli apamkhui, chi pung katharuka maikhawui atamlina.

KHALATLUI 9:18

Chiwui thili ina Prohowui mangāli ngakhumsangda kharewui thāda ngashun ngayā hangmatithang khoruma, ina khikhala mamang mazāmana, nathumna Prohowui mangāli makaphā morei kasā saikora hiwui vang ali malungvātngasakhaowa.

KHALATLUI 9:25

“Chiwui vang eina ina ngashun ngayā hangmatithang ngakhumshāmda Proholi khoruma, kaja Prohona nathumli shimān ngasakra jihaowa.

KHALATLUI 9:9

Prohona nathumli ngasoda tuingashit kasāwui lungphek khani chi ina phungreili kākakhui tharan, ngashun ngayā hangmatithang chili pama: I kazāla mazāmana, tara̱la mamangmana.

HEBREWNAO 2:18

Alila suida kakhanang samphang kahaiwui vang, ara kasui samphangda khaleibing chili ana ngachonmira.

HEBREWNAO 4:15

Ava ithumwui khangazanli malukhamashana pāngmon kharei maningmana. Lākhashong phaningakha, ithumwui thada alila suihaira, kha ava morei masālakmana.

1 SAMUEL 17:16

Zimiksho hangmatithangwui vang Philistinepa china ngathor ngazin rākasirchinga.