LUKE 4:18 - Kathara Bible (BSI)

¹⁸ “Prohowui Manglā chi iwuitungli lei. Khikhalajila kachāmabingli paokaphā hashok khavai, ana ili thao neomihaira. Narkahaibingli chihomi khavai, khangapeobing theiluishit khavai, chāngkhareng kahaibing ningkhān khavai.

LUKE 4:18 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

2 THOTRINCHĀN 34:27

khikhalajila nathumwui ningkhangateiwui vang kala ngalei hili kala hiwui mibingli makhamayā kashā eina Varewui mangāli nathumna hamkasang, kala iwui mangāli nathumna hamsangda kachon serkhaklaga kachapwui vang, inala shāmihaira da Prohona hānga.

LAA 102:20

narkahaibingwui ringkhangā shāmi khavai, thihaoki kaje athumli chihomi khavaina;

LAA 147:3

Ana ning kathengbingli raimi, kala athumwui khamā ngahāmi,

LAA 2:2

Okathuiwui awungabingna athum khalatta chipama, kala ngalei khamungbingna tui ruma, Proho eina awui thao neomi kahaiali mamayāla hānga,

LAA 2:6

“Iwui kathara Zion kaphungli, ina iwui awunga chipamhaira.”

LAA 34:18

Malung sipkasābingli Prohona nganaimi, ningkathengbingli huimi.

LAA 45:7

khamashungli nana leishi kala makaphāli yangkharinga. Chiwui vang eina Vare, nawui Varena nali khamathānwui thao chi ngasotnaobingli lāngmeida nali neomihaira,

LAA 51:17

Varena khuisangkapai pha̱kaphayā chiya, yurkahaiya kala kakhanang manglā chili O Vare, nana maningkachaimara.

ISAIAH 32:3

Chitharan mik katheibingwui mik mamikpiluimara; khanā kashābingna nganākhuira.

ISAIAH 35:5

Chitharan khangapeobing mik rakra, khangakhokbingla shāhaora.

ISAIAH 42:7

mik khangapeobingli mik rakngasak khavai, narkahaibingli zurshimwui eina khuishokmi khavai, tangkhamangli kapambingli phātopshimwui eina khuishokmi khavai hokakhuina.

ISAIAH 45:13

Ali ina khamashung khangaronglungli mathotkhuihaira, kala ina awui apong saikora ngatar ngasakra; ana iwui keinung sakāra, kala iwui tukthui kahaibingli ningkhān mira, amanla, lah sāmanwui vangla maningmana,” da saikorawui Prohona hānga.

ISAIAH 49:9

phātopnaobingli, ‘Ralu’ tangkhamangli khaleibingli, ‘Shoklu’ da hānga. Athumwui kazatpamli phauira, kaphung khangai saikorali athumwui wonui samphangra.

ISAIAH 50:4

Tamkachitheiwui male Proho VAREna ili mi, chieina ningkachotali kathāda tui eina ngasoda hāngphaneprakhala kaji ina theikhavaina. Ngathor kachida ana mathota, kala tamkakhuibing athum thāda shākhavai ikhanā ana mathing ngasaka.

ISAIAH 57:15

Kajuiya khamaso kala mashimānda khalei Kathara kahopa china hithāda hānga, “Kajuiya katharapamli ina pama, ning ngateida hamkasanga ali ngasoda; hamkasangabingwui manglā thuimathuk khavai, ning khangateibingwui wuklung mathuk ngasak khavai sāmi.

ISAIAH 59:21

“Iwui vanga, hi athumli ina tuingashit kasāna da Prohona hānga: nathumwuili khalei imanglā, kala nathumwui khamorli sangmi kahai iwui tui chi nathum khamorwui eina mapākthuimara, nanao ngarāwui khamorwui einala kala nanao naongarāwui naongarāwui khamor einala, aja eina thuilaga khanao eina tangda mapākthuimara da Prohona hānga”.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

ISAIAH 66:2

Ot saikora chi ipāng eina sākhui, chieina ot saikora hi iwuina da Prohona hānga. Kha ina yangki kaji mi chiya, malungkhanim kala ningkhangatei, kala iwui tuili ngacheeda kakathira china.

EZEKIEL 9:4

Kala Prohona ali hānga, “Jerusalem keinung peida kuivālu, kala chiwui alungli ningkakachai ot kasā theilaga ngahuida ringkhangā athumwui khaveili leishai chukmihailu.”

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

ZEPHANIAH 3:12

Kaja ina nathumwui alungli malungkhanim kala ngahuirikahai miyur akha haimihaora. Athumna Prohowui mingli ngayin khavai phāra,

ZECHARIAH 11:11

Chithang eina thuida arema sāhaowa, kala yao leihkhalonbingna ili yanglaga hi Prohowui tuina da thei.

MALACHI 4:2

Kha iwui mingli khangacheea nathumwui vanga kazāt raikhavai angachāng kakā khamashung khangarongwui zimik akha shokra. Seinaona seishimwui eina ngalongkashok thāda nathumna ngalongkāra.

MATTHEW 11:5

mik khangapeobingna kathei samphanga, phei katekbing zatpaihaira, phārrei kakazābing tharhaira, khangakhokbing shāpaihaira, kathebingli ringngasakhaira kala kathai kachāmbingli paokaphā hāshokmihaira.

MATTHEW 12:18

“Yanglu, ina kapangkhui kahaia rao, iwui khaluma kala ina ningyāngkhaunga. Ina ali iwui Manglā sangmira, kala ana Gentilebingli mashun bichar vaomalānmira.

MATTHEW 12:20

teknanai kahai titila ana masātekmara, mitnanai kahai meiwonla masāshimitmara, mashun china mayuiranglakha eina tangda;

MATTHEW 4:16

Tangkhamanglungli pamda khaleibingna kahor kahaka akha thei. kala leiret chili kapambing eina kathi khaya̱li khaleibingwuitungli kahor china hormihaira.”

MATTHEW 5:3

“Manglāli kachāmbing chi sokhamina, khikhalajila kazing wungram chi athumwuina!

LUKE 4:17

Kala Isaiah marānwui lairik chi ali mi. Ana lairik chi harkhayang eina hithada kapi kahai tuipam chi samphanga;

LUKE 6:20

Jishuna awui sākhangatha̱bingli yangvāda hānga, “Kachāmbing sokhami ngasāranu, kaja Vare wungram chi nathumwuina.

LUKE 7:22

Ana anili ngahānkai, “Ungulu kala nanina theikahai shākahai chi Johnli unghānglu, chiya, khangapeobing kathei samphanghaira, phei katekbing zatpaihaira, phārrei kakazābing kathar samphanghaira, khangakhokbing shāhaira, kathebingli ringngasakhaira, kachāmbingnala paokaphā kashā samphanghaira.

JOHN 1:41

Ana hengsāda ama Simonli samphangda hānga, “Ithum Messiahli samphanghaira.” (Tui hiwui kakhalatva Khrista kajina).

JOHN 12:46

Ina apuk-apagva̱li kharā hi kahor thada kharāna, chi eina ili shitkasanga mi kachiva̱ tangkhamangli maleimara.

JOHN 3:34

Varena kashivāta a china Varewui tui matui kaja Varena Manglā chi khavāt maleila ali mi.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

OTSAK 4:26

Okathuiwui awungabingna ngaranda, kala khamungabing kazip ngarumda, Proho kala awui Thaoh neomi kahaiali yangshi.’

OTSAK 4:27

Kaja nana thao neomi kahai nawui rao kathara Jishuli yuishida, Herod eina Pontius Pilatena Gentilebing eina Isrealnaobingli ngasoda keinung hili kazip kachangkhata;

COLOSSIANAO 1:13

Ana tangkhamangwui eina ithumli kanshokmida awui khaluma Naomayarawui wungramli khuiungmihaira.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.