LUKE 4:15 - Kathara Bible (BSI)

¹⁵ Ana athumwui Synagogueli tamchithei kala mi saikorana ali soi.

LUKE 4:15 Iomraidhean Croise

ISAIAH 55:5

Yanglu, nana makathei yurbingli nana hokhuira, kala nali makathei yurbingna nawuili yāmrāra; kaja Proho nathumwui Vare kala Israelwui Katharawui vangna, kaja ana nali tekmatei ngasakhaira.”

MATTHEW 13:54

kala aramli hanungda ana athumli synagogueli tamchithei, chi kashā mibing china matakhakhaoda athum akha eina akha ngazek ngaroka, “Mipā hina hikathā awor kala hakkhamahā otsak hi kachiwui eina samphangkhala?

MATTHEW 4:23

Jishuna Galileewui apam saikorali vāda athumwui synagogueli tamchithei, wungramwui Paokaphā hāshoka kala mibingwui kazāt ayāyāva̱ raimi.

MATTHEW 9:35

Jishuna keinung kala kha̱ kachivali vāda athumwui synagogueli tamchithei kala wungramwui paokaphā hāshoka kala kazātyur kala kazāt kachiva̱ raimi.

MATTHEW 9:8

Yaruina chi kathei tharan athum ngacheehaowa kala mikumoli hikathā sāshap-pangshap khame Vareli athumna masochikata.

MARK 1:27

Mibing chi matakhakhaida akha eina akha ngazek ngaroka. “Hi khikhala? Kadhara tamkachithei tuila? Sashap pangshap eina ngasoda makathar manglālila kasoli kala athumnala awui kahāng nganāli!”

MARK 1:39

Ana Galileewui apam saikorali yaovai kala synagogueli pao hāshokta raihla kashamshokmi.

MARK 1:45

Kha mipā hina a kazazatli phongshar eina hāngkazatwui vang pao chi ngayaovāserhaowa. Chiwui vang Jishuna keinungli phongshar eina mazangpaithuda mi makapāna apamli apamhaowa. Chithālala apam kachiva̱wui eina ali phārai.

LUKE 13:10

Jishuna sabbaththang synagogue akhali tamchitheida leisai.

LUKE 4:16

Chiwui thili ana ali nganaokakā ram Nazarethli hanunga kala khangachā sākasā thada ana sabbaththang Synagogueli vai. Kala ana lairik pākhavai thuinganinga.