LUKE 4:1 - Kathara Bible (BSI)

¹ Manglā Kathara pemting eina Jishuna Jordanwui eina latunga kala Manglāna lamhāngli thānvai.

LUKE 4:1 Iomraidhean Croise

1 WUNGNAOBING 18:12

I unghai khaleoda Prohowui manglāna nali khuithuihaikha na khaleipam ina matheimara; chieina Ahabli ungkahāng chitharan na maleisaakha, ina nganuilakha eina thuida Proholi ngacheelala, ana ili sāthathaora,

1 WUNGNAOBING 19:4

Amāng eina thangzatkha lamhāngli yāmvai, kala thingpompa̱ akhawui azingli apama; kala thingasak khavai ana hānga, “O Proho, hi shapshaphaira, ara imanglā khuimihaolu, kaja ila ishāvāngarāli maphāmeirarthura.”

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

EZEKIEL 3:14

Manglā china ili khāngkāda khuithuihaowa, kala iwuitungli Prohowui kapanga pāngkaparwui vangna ining chotlakhaowa;

MATTHEW 3:16

Jishuli ra̱hikmihailaga tara̱wui eina shokkhaleoda yanglu, kazingram shoda Varewui Manglā chi nasha̱ thada awuitungli tākapa̱ chi ana thei.

LUKE 2:27

Manglāna thānkhami mangā eina ana khorumshimli rai, kala angangnao Jishuli ainwui khangachā athishurda sāmi khavai ava̱ eina avāva̱na khorumshimli khuikakā tharan,

LUKE 3:3

Chieina Jordanwui kuikhamareili khalei apam saikorali vāda morei pheomi khavai ningngateida ra̱hiklu da pao hāshoka.

LUKE 3:38

Enos Sethwui nao, Seth Adamwui naona kala Adam Varewui naona.

LUKE 4:14

Chiwui thili Jishuna Manglā Katharawui pangshap eina Galileeli latunga kala chiwui kuikhamarelili khalei apam saikorali awui ming ngayaovāserhaowa.

LUKE 4:18

“Prohowui Manglā chi iwuitungli lei. Khikhalajila kachāmabingli paokaphā hashok khavai, ana ili thao neomihaira. Narkahaibingli chihomi khavai, khangapeobing theiluishit khavai, chāngkhareng kahaibing ningkhān khavai.

JOHN 1:32

Johnna shākhi mida hānga; “Manglāna kazingramwui eina nāsha̱ thada tai kala awuitungli tākapa̱ ina thei.

JOHN 3:34

Varena kashivāta a china Varewui tui matui kaja Varena Manglā chi khavāt maleila ali mi.

OTSAK 1:2

ali kazingramli makhuikāranglakha awui paokazata sāda kapangkhui kahai mibingli Manglā Katharawui pangshap eina hāngmathinkhami chi ina kapihaira.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 8:39

Anina tara̱wui eina kashok tharan kashuirak eina Prohowui Manglāna Philipli khuithuihaowa, kala ahonga china Philipli matheiluithuwa, kha awui vāki kajipamli ringphālak eina thuihaowa.