LUKE 3:8 - Kathara Bible (BSI)

⁸ Ning khangateiwui ngarakzak kahai athei mathei ngasaklu kala nathum khalatta ‘Ithumwui avāva̱ Abraham lei’ da mahāngalu, kaja ina nathumli kahāngna, ngalungbing hiwui eina Varena Abrahamli nao kachungkha semmishapa.

LUKE 3:8 Iomraidhean Croise

NEHEMIAH 5:11

Athumwui lui, drakhā yāmgui, olive yāmgui, kala shimla, aja zimik hanshokmiserhaolu; kala shāshāwui eina tārkakhui pheisā, kashakazā, drakhāra̱, kala thao nathumna khuikahai chila hanmiserhaolu.”

EZEKIEL 33:24

“Miwui naomayara, sāshimānmi kahaia Israelwui ngaleili khaleibingna, ‘Abrahamva amānga, kala ana lam hi samphanga; ithumva kachungkhaya, kachangkhat eina ithumli metchang kahaina’ da hāngda lei.

MATTHEW 21:43

Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

MATTHEW 3:8

Nathum khalatta ningngateichaohaira kaji otsak eina chitheilu,

MATTHEW 3:9

kala nathum khalatta ‘Ithumwui avāva̱ Abraham lei’ da maphaninghaialu; ina nathumli kahāngna kaja ngalungbing hiwui eina Varena Abrahamli nao kachungkha semmishapa.

LUKE 13:25

Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra.

LUKE 13:26

Chitharan nathumna ngahānkāra, ‘Ithum nali ngasoda phāshak phazāruma; ithumwui keinunglila nana rātamchithei.’

LUKE 14:9

kala nani khaninili kahopā china nali, ‘Mipa hili pam chikāmihaolu’ da rākahāng eina nala zakshikhamei apamli apamkida khayakhaora.

LUKE 19:40

Ana ngahānkai, “Ina nathumli kahāngna, athum chingri eina pamhailala lungguibingna vaoshokra.”

LUKE 19:9

Chieina Jishuna ali hānga, “Mipā hila Abrahamwui ara̱-azā ngasahaoda aja shimkhur hili huikhami rāshunghaira.

LUKE 5:21

Chieina ain kathembing eina Phariseebingna athum khalatta kapupta hāngngaroka, “Vareli kachipat tui khamatui hi khipākhala? Vare maningla khipāna morei pheomishapkhala?”

JOHN 8:33

Athumna ngahānkai, “Ithum Abrahamwui ara̱-azāna, kala khipākhawui rao masālakranga. Chieina ‘Nathumli ningkhān sāngasakra’ kajiwui kakhalat khikhala?”

JOHN 8:39

Athumna ngahānkai, “Abraham chi ithumwui avāva̱na.” Jishuna hānga, “Nathum Abrahamwui nao kachangkhatsi kaja ana kasā thada nathumla sāra.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

ROMNAO 4:16

Chiwui vang eina tuingashit hi shitkasangli pheisin kasana. Chithada sāda tuingashit Varewui lukhamashan chi Abrahamwui ara̱-azāli khamina; hi ain khamayonabingwui vang maningla kha Abrahamwui thada shitkasanga mibingwui vangla zangda khamina.

ROMNAO 9:7

Abrahamwui ara̱-azā saikora Varewui naongarāna kajila maningmana kaja Varena Abrahamli hānga, “Isaacwui naotunbingmāngli nawui ara̱-azāna da shānkhuira.”

PHILIPPINAO 1:11

Vareli tekmatei khavai kala masochikat khavai, Khrista Jishumāngna mikashap kaphā magunbing chi nathumwui mirinli pemtinghaora.