LUKE 3:38 - Kathara Bible (BSI)

³⁸ Enos Sethwui nao, Seth Adamwui naona kala Adam Varewui naona.

LUKE 3:38 Iomraidhean Croise

HAOKAPHOK 2:7

Chiwui thili Proho Varena ngaleiwui chifa eina mi sākhui, kala nātangkhurli kharingwui khakkhā suisangmi; chieina mi chi kharinga ngasāhaowa.

HAOKAPHOK 4:25

Adamna apreiva̱li ngasoluishitta mayarnao akha pharai, kala aming Seth hoi, kaja apreiva̱na hānga, “Abelli Cainna shaothathaoda awui mahut Varena ili nao khangatei akha mihaira.”

HAOKAPHOK 4:26

Sethla mayarnao akha pharai, kala aming Enosh hoi. Atam chiwui eina thuida mina Proholi mingzaiphoka.

ISAIAH 64:8

Chithālala, O Proho, na ithumwui Avāva̱na; ithum leikhonna, na ithumwui ham kasaana; ithum nawui pāngsaksera.

LUKE 3:37

Lamek Methuselahwui nao, Methuselah Enochwui nao, Enoch Jaredwui nao, Jared Mahalaleelwui nao, Mahalaleel Cainanwui nao, Cainan Enoswui nao,

LUKE 4:1

Manglā Kathara pemting eina Jishuna Jordanwui eina latunga kala Manglāna lamhāngli thānvai.

1 CORINTHNAO 15:45

Hithada kapihaida lei; “Mikumo khare Adamli manglākapai akha sāda semkhui” kha khanaowa Adamva kharing khame manglāna.

1 CORINTHNAO 15:47

Ngalei eina sākakhuiya khare Adam hi okathuiwuina, kakhane Adam hi kazingramwui einana.