LUKE 3:36 - Kathara Bible (BSI)

³⁶ Shelah Cainanwui nao, Cainan Arphaxadwui nao, Arphaxad Shemwui nao, Shem Noahwui nao, Noah Lemechwui nao,

LUKE 3:36 Iomraidhean Croise

HAOKAPHOK 5:3

Adamna zingkum shākha thumrā okthuihailaga awui azak tākam kahai, ali khangamāna mayarnao akha pharākhui kala aming Seth hoi.

HAOKAPHOK 6:22

Varena kakaso athishurda Noahna sāsera.

HAOKAPHOK 7:13

Chithang Noah kala awui naomayara ngarā Shem, Ham, Japheth kala apreiva̱ eina naongarāwui preiva̱ kathum, athumli ngasoda,

HAOKAPHOK 7:23

Ngaleitungli khalei kharingyur kachiva̱, mi, sāyur, kala ngarikazata yur, kazingramli yongkazata saikora okathuiwui eina shimānhaowa. Noah eina ali ngasokasābingmāng taishoka.

HAOKAPHOK 8:1

Kha Varena marikhonglungli khalei Noah, kala sha̱kei eina sāyur saikorali phaningunga. Kala Varena okathuili masi phanngasakta tara̱ thengmamanhaowa.

HAOKAPHOK 9:1

Varena Noah kala anaomayara ngarāli somida hānga, “Athei matheida mataisanglu, kala okathui chipemlu.

HAOKAPHOK 9:18

Marikhong eina kashok Noahwui naobing chiya, Shem, Ham, Japheth athum hina. Hamna Canaanli pharai.

1 THOTRINCHĀN 1:1

Adam, Seth, Enosh;

1 THOTRINCHĀN 1:17

Shemwui naomayarabing: Elam, Asshur, Arpachshad, Lud, Aram, Uz, Hul, Gether, Meshech,

EZEKIEL 14:14

Noah, Daniel, Job ashi kathum zangsālala, athum kathumla athumwui khamashung khangarong mangā eina athumāng shokra,” da Proho VAREna hānga.

LUKE 17:27

Noahna marikhong kātongkhuida tara̱ phongshilongda ot saikora mashimānranglakha eina tangda athumna phāshak phazāpama, ngalā khuipama, fathuipama.

LUKE 3:35

Nahor Serugwui nao, Serug Reuwui nao, Reu Pelegwui nao, Peleg Eberwui nao, Eber Shelahwui nao,

LUKE 3:37

Lamek Methuselahwui nao, Methuselah Enochwui nao, Enoch Jaredwui nao, Jared Mahalaleelwui nao, Mahalaleel Cainanwui nao, Cainan Enoswui nao,

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

1 PETER 3:20

Manglābing chiya Noahna awui marikhong semlakha Varena honsānlak eina honlaga makhuikasangbing china. Marikhonglungli leikasā athum chishatmāng tara̱wui eina huikhuiya.

2 PETER 2:5

achālakhawui okathuilila Varena yangkhei kahai maleila shimān ngasakta khangarong hākashoka Noah eina athum katei shini chi maningla Varena ali makachāpabingli tara̱kaphong eina shimān ngasakakha,