LUKE 3:3 - Kathara Bible (BSI)

³ Chieina Jordanwui kuikhamareili khalei apam saikorali vāda morei pheomi khavai ningngateida ra̱hiklu da pao hāshoka.

LUKE 3:3 Iomraidhean Croise

MATTHEW 3:11

Ning khangateiwui vang ina nathumli tara̱ eina ra̱hikmi, kha iwui thili rārāda khalei A chiya ili reimei, I awui pheihop phungkida matik machāmana. Ana nathumli Manglā Kathara kala mei eina ra̱hikmira.”

LUKE 1:16

Israelnao kachungkhali ana athumwui Proho Vareli latung ngasakra.

LUKE 1:77

awui mibingli huikhamiwui awor tamchithei khavai; morei pheokhami lungli huimira da.

LUKE 4:1

Manglā Kathara pemting eina Jishuna Jordanwui eina latunga kala Manglāna lamhāngli thānvai.

JOHN 1:28

Saikora hi Johnna ra̱hikmi khavai apam Jordankong vāklaida khalei Bethanyli kashokna.

JOHN 3:26

Chieina athumna Johnli ahānga, “Ojā, Jordan kongwui zimikshovāk nali ngasokasā, nana awui maramli shākhi khamipā china hili ra̱hikmida leili, kala mi sorkhangasai awuili vāda lei.”

OTSAK 13:24

Jishuna marāranglakha Johnna moreiwui eina ning ngateida ra̱kahikwui tui Israelnao saikorali tamchitheihairasai.

OTSAK 19:4

Paulna hānga, “Johnva mibingli awui thili rāki kaje Jishuli shitsang khavai hānglaga ning khangateiwui ra̱hikkhamimaya.”

OTSAK 22:16

Chiwui vang eina khi ngarainganaosāra? Ngakarthuida ra̱hikhaolu kala awuili zangda nawui morei pheohaolu.’