LUKE 24:47 - Kathara Bible (BSI)

⁴⁷ Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

LUKE 24:47 Iomraidhean Croise

HAOKAPHOK 12:3

Nali kasobingli inala sora, nali khonkashe chili inala khonshira kala okathui shimkhur hupta nawui mangā eina sokhami ngasāra.

LAA 22:27

Okathui akatang saikorana Proholi phaningungda ngareiungra; kala yur kachiva̱wui shimkhurna awui mangāli khorumra.

LAA 67:7

Varena ithumli latluida somiranu; okathui hupta ali ngacheeranu.

LAA 86:9

Nana sākahai miyur saikora nawui mangāli rāda rākhorumra, O Proho, kala naming sochikatra.

ISAIAH 11:10

Chitharan yurbingwui machut khavai Jessewui angayungna thuinganingra; miyurbingna ali phāra, kala awui pamkhavaibing tekmateishunra.

ISAIAH 49:22

Hithāda Proho VAREna hānga, “Yanglu, yurbingwuitungli ipāng khāngkāra, kala mibingli iwui khamachut chitheira; athumna naomayara ngarāli vamrāra, kala naomayarabingli athumwui khumkhorli phungungra, kala nanao ngalāva̱bingli yartuili tongungra.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 5:4

Iwui yāmgui hili ina sāphalungki kaji khi makasā leikhala? Ina drakhāthei matheira da yangpamlaga, khi sāthuda ramwui samkāngra̱thei khamatheikhala?

ISAIAH 52:10

Prohona awui tharkhamatheng pāngthei, miyur saikorawui miktāli chitheimihaira; kala okathuiwui akatang saikorana ithum Varewui huikhami chi theira.

ISAIAH 52:15

Chithāda ana yur kachungkhali matakhakhai ngasakra; awungabingna awui vang khamor katimhaora; kaja athumli mahānghaikasā chi athumna theira, kala mashālakrangkasā chi athumna theikhuira.

JEREMIAH 31:34

Mi kachiva̱na khongnainaoli kala achināli, ‘Proholi theilu,’ da hānglaga matamchithei ngarokmara, kaja kateola khareila mi kachiva̱na ili theiserra; da Prohona hānga; kaja athumwui khayon ina pheomira, kala athumwui morei sākahai maphaningungluimara da Prohona hānga.”

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

HOSEA 11:8

Kathāda ina nali chihohaipaira, O Ephraim! kathāda ina nali kateili horsangmipaira, O Israel! Kathāda ina nali Admah thāngasakpaira! Kathāda ina nali Zeboiimli kasā thāda sāpaira! Iningna chi mamayāmana, iwui lukhamashan mataisangmān kala nimamāna.

HOSEA 2:23

Kala ali ina iwui vang ngalei chili yaosangra, malumashankasāpali ina lumashanra, “Iwui mi maningmana” kachipāli ina, “Na iwui mina” jira; chieina athumna, “Na iwui Varena.” da hāngra.

MICAH 4:2

Kala yur kachungkha rāda hāngra; “Rālu, ithum Prohowui phungreili kausa, Jacobwui Varewui shimli; chieina ana ithumli awui shongfa hāngchitheira; kala ithumna awui apongli zatkhavai.” Kaja Zionwui eina ain shokra, kala Prohowui tui Jerusalemwui eina shokra.

MALACHI 1:11

Khikhalajila zimik kashok eina thuilaga katun eina tangda yurbingwui ngachaili iwui ming hakkhamahāna, kala apam kachida nganamkaphā thao chi iwui mingli chigata, kala kathara kachigat mi; khikhalajila yurbingwui ngachaili iwui ming hakkhamahāna da saikorawui Prohona hānga.

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

MATTHEW 3:2

“Ningngateilu, kaja kazing wungram nganaishunhaira.”

MATTHEW 9:13

Vālu laga ‘Ina kachigat maningchāngmana kha lukhamashan ningkachāngna’ da kahāngwui kakhalat khikhala kaji angahānkhuilu. Kaja ina khamashung khangarongbingli hokhui khavai kharā maningmana kha morei kaphungbingli hokhui khavai kharāna.”

LUKE 13:34

“Iyavo, Jerusalem! Jerusalem! Marānbingli shaokathata keinung, kala nali chihokharābingli lunggui eina horkathata! Ina nawui naongarabingli harva̱na anaobingli angachangzingli kazipkakhui thada kayākhashira, laga chi nana mamayāmana!

OTSAK 10:43

Marān saikoranala awui pongli shākhi sai kaja ali shitkasanga mi kachiva̱na awui ming chiwui mangā eina morei pheokhami samphangra.”

OTSAK 11:18

Athumna hi kashā eina athumwui khayetla thāhaowa kala athumna Vareli masotchitkatta hānga, “Chithākha Gentilela ningngateikhuida kharing samphang khavai Varena mayāmihaira.”

OTSAK 13:46

Kha Paul eina Barnabasna pingmeida hānga, “Rimeikapta Varewui tui hi nathumli hāngchitheiphalungki kajina. Kha nathumna katang makhavai mirin masamphangngaimada khalan kahaiwui vang, nathumli haiphungda ithum Gentilebingli vāhaora.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

OTSAK 28:28

Chiwui vang eina ina nathumli theingasakkhangai chi hina, Varewui huikhami tui chi Gentilebingli shivāthaira; athumna khuisangra.

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

OTSAK 4:12

Huikhami hi khangatei khipākhawuilila maleimana, okathui hupva̱li mibingwui ngachaili aming hi maningla khangatei huimishapa aming mikahai maleilakmana.”

OTSAK 5:31

Varena ali Isrealnaobingli ningngateida, morei pheomi khavai kathāna Huikhame akha sāngasakta awui yāshong chipama.

ROMNAO 5:20

Ain khuikharā chi khayon-khamang chungsang khavaina; kha morei chungkasang eina Varewui lukhamashan chi lāngmeikharda chungsanga.

EPHESIANAO 1:6

Ithumna awui tekhamatei lukhamashanwui vang Vareli sochikatsa, kaja lemmet chi awui khaluma Naomayarawui lungli ithumli mihaira.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

COLOSSIANAO 1:27

kathuka tui hi awui mibingli chithei khavai kala miyur saikorawui vang kayākha tekhamatei tuikhala da chitheikhangai hi Varewui khangarānna. Kathuka tui chiya Khrista nathumwuili zanghaoda Varewui tekhamatei chili nathumla zangrumhaira.

1 JOHN 2:12

Inaongarā, Khristawui mangā eina nathumwui morei pheomihaira kajiwui pongli ina kagapina.