LUKE 24:45 - Kathara Bible (BSI)

⁴⁵ Chiwui thili Katharatui chi theishingkhui khavai athumwui ning mathing ngasakta hānga,

LUKE 24:45 Iomraidhean Croise

JOBWUI LAIRIK 33:16

ana mibingwui khanā mathing ngasakta, hāngmachinda ngachee ngasaka,

LAA 119:18

Imik rakngasakmilu, chieina ina nawui ainwui eina matakhak kahai otbing theipaira.

SHONGZĀ 4:11

Chieina Prohona ali hānga, “Miwui tuimatui khipāna mikhala? Khangasha̱la, khangakhokla, katheila, khangapeola khipāna sāmikhala? Chi, Proho ina maningmala?

LUKE 24:32

“Shongfali zatmamānda ana chān khangazek kala Varewui tui pheikachithei tharan ningli meikachui mathāmalā?” da ani akha eina akha ngazek ngaroka.

OTSAK 16:14

Ithumwui tui khanganā athumwui ngachaili kachon khamenga khayorva̱, Thyatirawui eina kharā Lydia kahova̱ zanga. A Vareli khokharumva̱ sha̱nao akhana, chieina Paulna kahāng chi ningsanglak eina nganā khavai Prohona awui wuklung shomi.

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

EPHESIANAO 5:14

kaja kachikathā ot chi mathingrik eina phongkashok tharan theipaiserhaowa. Chiwui vang hithada hānga. “Ngakarthuilu, he kape, kathiwui eina ngakarthuilu, Khristana nawuitungli hormira.”

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

PHONGKHAMI 3:7

“Philadelphia churchwui kazingraoli kapilu: “Kathara khamashunga, Davidwui sho kasinga, ana shohaiakha khipānakha mashungkapai, ana shunghaiakha khipānakha mashokapai, awui eina kharā paona.