LUKE 24:36 - Kathara Bible (BSI)

³⁶ Anina hāngchithei mahungda leilakha Jishuna athumwui alungli rānganingda hānga, “Nathumli chingrihairanu.”

LUKE 24:36 Iomraidhean Croise

ISAIAH 57:18

Ina awui apongbing theihaira, kha ina ali raimira; ina ali thānmida ningnganung khavai sāmira, awui vang chapkhangachābinglila ning khanganung mira.

MATTHEW 10:13

Shimkhur china mareojeohaiakha nathumwui sokhami chi ashiwui vang ngasāranu. Kha chi mathaakha nathumwui sokhami chi nathumli latungranu.

MARK 16:14

Naomeikapta athum tharāda akha chi phazā mahunglakha Jishu rai; ana athumwui mashitkasang kala ning khamakangwui vang, kaja a ringshok kahaiwui thili ali katheibingwui tuili mashitkasangwui vang khararra.

LUKE 10:5

Nathumna vākazangzang shim chili ‘Shim hili chingrihairanu’ da hāngrikaplu.

JOHN 14:27

“Ina nathumli chingri kahai haikhamina; I khalattawui chingri kahai nathumli khamina. Okathuina khami thada nathumli khami maningmana. Wukmakhananglakalu; khangacheela mangacheealu.

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

JOHN 20:26

Haptā akha shānglaga kazipluishita, kala Thomasla chili zanga. Khamong rarser kahaina, kha Jishuna athumwui ngachaili rānganingda hānga, “Nathumli chingrihairanu.”

OTSAK 1:3

Ana thikahaiwui thili zimiksho hangmati thangwui alungli athumli rāsamphangda apong kachungkha eina a ringda lei kaji tharzā eina azak eina chithei. Athumna ali mik eina thei kala ana athumli ngazekta Vare wungramwui pongli tamchithei.

1 CORINTHNAO 15:5

kala Peterli samphanga, chiwui thili sākhangatha̱ katongali samphanga.

1 CORINTHNAO 15:7

Chiwui thili Jamesli samphanga, chiwui thili paokazat saikorali samphanga.

2 THESSALONICANAO 3:16

Ara chingri kahaiwui Proho a khalattana nathumli atam kachiva̱li kala apong saikorali chingrihai ngasakranu. Prohona nathum saikorali ngasomiranu.

PHONGKHAMI 1:4

Asiali khalei Church shinili Johnna kagapina: Aruila, achāla, kala naodala chiching kaje, kala wungpamkhong mangāli khalei Manglā shini chiwui eina,