LUKE 24:27 - Kathara Bible (BSI)

²⁷ Moseswui eina thuilaga marān saikorana awui maramli kapihaikasā katonga chi Jishuna anili khalatmisera.

LUKE 24:27 Iomraidhean Croise

HAOKAPHOK 12:3

Nali kasobingli inala sora, nali khonkashe chili inala khonshira kala okathui shimkhur hupta nawui mangā eina sokhami ngasāra.

HAOKAPHOK 22:18

Kala nawui ara̱-azāwui mangā eina okathuiwui miyur saikora sokhami ngasāra, kaja nana iwui kahāng nganai.”

HAOKAPHOK 26:4

Ina nawui ara̱-azā kazingramwui sirāyākha mataisangmira, kala ram saikora hi ina nathumli mira; nawui ara̱-azāwui eina okathuiwui miyur saikora athum khalatta sokhami ngasāra:

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

LAA 132:11

Prohona Davidli kachangkhat ngashita, chiwui eina ana masa̱na̱ungmara: “Nanao akhali ina nawui wungpamli chipamra.

ISAIAH 1:23

Nathumwui wungnaobing ngakaikashe kala khalebingwui ngasotnaona. Mi kachiva̱na pheizā ningchānga, kala khalem eina khamili kharomzata. Avāva̱ makhaleibingli manganingmimana, kala ra̱meiva̱wui kasakli mayangsangmimana.

ISAIAH 50:6

Kashaobingli ina khumkhor ngareimi, morhā kachichaibingli iwui maisor ngareimi; mashora mashokharor kala kakhayakwui eina imai mathumhaimana.

ISAIAH 7:14

Chiwui vang eina Proho akhalattana nathumli machut akha mira. Yanglu, ngalānao akhana nao vaida mayarnao akha pharāra kala awuiming Immanu-el hora

ISAIAH 8:17

Jacob shimkhurwui eina mai thumhaida khalei Proholi ina ngaraira, kala ina ali chihānra.

ISAIAH 9:1

Kha sipkasāwui alungli leikasāpa̱vawui vang matangmangluimara. Khare kachāng Zebulun eina Naphtali ngaleili yonhaira da ana khuisai, kha khanaowui atamli shamadruwui apong Jordan kānda khalei miyurbingwui Galilee chi tekmatei ngasakra.

EZEKIEL 34:23

Kala ina athumli yaokahoma akha, iwui rao Davidli phāsangra, kala ana athumli phāchizātra: ana athumli phāchizatta athumwui kahoma sāra.

EZEKIEL 37:25

Kala iwui rao Jacobli ina mikahai navā ngarāna pamkasā ngalei chili athumna pamluira; athumla anao ngarāla, naobingwui naobingla chili leichingda iwui rao Davidna athumwui wungnao sāda mungra.

DANIEL 7:13

Ngayāshong mahākhami chili ina thei, kala yanglu, kazingramwui muiyāli ngasoda, miwui naomayara thāda akha kharā thei, kala ana Ringching kaje chiwuili rai, kala awui mangāli anganinga.

MICAH 5:6

Athumna Assyriawui ngalei chi raighai eina mungra, kala Nimrodwui ngalei chi sutshok kahai raighai eina mungra; kala athumna ithumli Assyrianaobingwui eina ngatangshokra, ana ithumwui ngaleili rāda tharili phei rānaikasang tharan.

MICAH 7:20

Achālakha nana ishāvā ngarāli ngashitkhami thāda, nana Jacobli ningkatong kala Abrahamli leikashi chi chitheira.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

ZECHARIAH 9:9

Ringphālu, O Zionwui naongalāva̱! Pangda vaolu, O Jerusalemwui naongalāva̱! Yanglu, nawui awunga gadhā alānao akhali tongda nawuili rārāli; maikhayā kala khayuiya chi alaka,

MALACHI 4:2

Kha iwui mingli khangacheea nathumwui vanga kazāt raikhavai angachāng kakā khamashung khangarongwui zimik akha shokra. Seinaona seishimwui eina ngalongkashok thāda nathumna ngalongkāra.

MISHĀN 21:14

Chiwui vang Prohowui Raiwui Lairikli hi hānghaida lei. “Suphahli khalei Waheb, kala Arnonwui tampākbing,

MARK 4:34

chānjam mashichinla ana athumli matamchitheimana, kha sākhangatha̱bingli athumāng khaleili meisā eina saikora meikhaichithei.

LUKE 24:25

Chieina Jishuna anili hānga, “O mangkhama̱ khani! Marānbingna hāngkahai saikora chili mashitkasang!

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

JOHN 1:45

Philipna Nathana-elli samphangda hānga. “Moseswui ainli kapi kahai kala marānbingnala kapi kahai mipa, Josephwui naomayara, Nazarethwui Jishu chili ithum samphanghaira.”

JOHN 12:41

Isaiahna tekhamatei hi katheiwui vang kala awui pongli khamatuiwui vang hi kahāngna.

JOHN 5:37

Ili kashirāta iwui Avāna iwui shākhina. Nathumna awui khon mashālakranga, azakla matheilakranga.

JOHN 5:39

Nathumna kathara lairikli phai, kaja katang makhavai kharing chi chili samphangra da phaninga; kala iwui vang shakhi sakhami chi chibing china,

OTSAK 10:43

Marān saikoranala awui pongli shākhi sai kaja ali shitkasanga mi kachiva̱na awui ming chiwui mangā eina morei pheokhami samphangra.”

OTSAK 3:18

Kha Varena awui marānbing saikorawui khamor eina Khristana kachotkachāng phungphalungra da rida hāngkahai chi ana ungshung ngasakhaowa.

OTSAK 3:22

Kaja Mosesna hānga, ‘Ili chihokharā thada Proho Varena nachinā marān akha chihorāra. Ana kahāng saikora nathum nganāphalungra.

OTSAK 3:24

Samuelwui eina thuilaga maron maron eina kharā marān saikoranala atam hiwui tui hānghaisai.

OTSAK 7:37

‘Varena ili shokkhangasak thada nathumwui vang nachinā ngarāwui eina marān akha shokngasakra’ da Israelnaobingli kahāng chi Moses hilaka.

OTSAK 8:35

Chiwui thili Philipna kathara tuipam hi eina haophoklaga Jishuwui khamathā chānpao hāngchithei.

KHALATLUI 1:45

Chieina nathumna hanungda Prohowui mangāli chapa; kha ana nathumwui khangakaokhon mashāmimana lah kakhuila makhuisangmithuwa.

KHALATLUI 18:15

“Nathumwui ngachaili nachinā ngarāwui eina I kathā marān akha Proho nathumwui Varena shokngasakra, nathumna awui tui khuira—

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.