LUKE 23:34 - Kathara Bible (BSI)

³⁴ Jishuna hānga, “Avā, athumli pheomilu, athumna khi kasākhala da matheimana.” Kala awui kashankachon ngayar khavai athumna ka̱lā yanga.

LUKE 23:34 Iomraidhean Croise

HAOKAPHOK 50:17

‘Josephli hānglu, achinā ngarāwui morei kala khayon pheomilu, kaja athumna nali makaphā sāhaida lei.’ Chieina ara navāwui Varewui rao ithumwui khayonkhamāng pheomilu.” Athumwui tui chi shālaga Josephna chapa.

LAA 22:18

iwui kachon athumna ngayara, iwui sāri kalā yangngaroka.

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

MATTHEW 11:25

Atam chili Jishuna phongshoka, “Ina nali ningshili Avā, kazing eina ngaleiwui Proho, khiwui vangkhala kaja nana otbing hi thangkhamei kala katheiabingwui eina thummihailaga angangnaobingli chitheimi,

MATTHEW 11:26

mha, Avā, chikatha chi nawui lukhamashanwui kaphaningna.

MATTHEW 5:44

Kha ina nathumli kahāngna, nathumwui yangkasheli leishilu kala rekakharekabingwui vang seihā sāmilu.

MARK 15:24

Athumna ali krushli shaoshāna, kala awui kashankachon chi ka̱lā yanglaga ngayar ngaroka.

LUKE 22:42

“Avā, nana mayāmiakha, tengkot hi iwui eina kakhuithuimihaolu, chithālala iwui kaphaning maningmala kha nawui kaphaning eina vaimilu.”

JOHN 17:9

“Ina athumwui vang seihā sali; ina apuk-apagawui vang seihā masāmana, kha nana ili mikahaia athumwui vang kasāna, kaja athum nawuina.

JOHN 19:11

Jishuna ali ngahānkai, “Varena nali khami chiwui vangmāng nana iwuitungli pangshap khaleimaya. Chieina ili nawui pāngli horsangkhame mibing chiwui morei hakmei.”

OTSAK 16:28

Kha Paulna panglāk eina vaoda hānga “Nakhalatta ka̱lāshi khavai masaalu! Ithum hili leiserli.”

OTSAK 3:17

“Ara, ivānaobing, nathumwui kathānabingna sākahai thada, nathumnala matheimada sāhaira da ina thei.

OTSAK 7:60

Ana khuktizangda, “Proho! morei hiwui kashong athumli matāmialu” da panglāk eina vaolaga amanglā chihohaowa.

ROMNAO 12:14

Nathumli rekakharekbingli somi khavai Vareli pomilu, mha, makhonshila somi khavai pomilu.

1 CORINTHNAO 2:8

Hi apuk-apaka khamungabing khipānakha matheimana; athumna theisāsi kaja tekhamateiwui Proho chili masāthatmara.

1 CORINTHNAO 4:12

kala ringkhavai ot panglāk eina sai, ithumli khonkashi tharan ithumna somi, rekakharek tharan khānga;

1 TIMOTHY 1:13

khareli ina ali mashāta, rekhareka, kala chipata. Kha Varena ili lumashanmi kaja I mashitsangmana, chieina ina kasā chi I matheisamana.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.