LUKE 23:31 - Kathara Bible (BSI)

³¹ Kala thingna matekta leilakha chithākha thengkahai tharan khi shokrakhala?”

LUKE 23:31 Iomraidhean Croise

CHĀNSAM 11:31

Khangarong mili okathuili athut khuiakha, makhayā kala morei kaphungali kayākha mataida khuira?

JEREMIAH 25:29

Kaja yanglu, iwui ming eina phok kahaiya keinung hili ina makaphā ot sāphokhaira, laga nathum tandi maphungla kathāda yāmshokpairakhala? Kaja okthuili okthuida khalei saikorali ngasung khavai raighai akha ina kasohaira, da saikorawui Prohona hānga.’

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

MATTHEW 3:12

Awui pāngli yāmkok lei kala lanpumli khalei mā hurmathākhuida kapanga mā chi chumli kazipkhuira, kha ahikbing chi mashimitkapai meilungli riktāhaora.

LUKE 23:30

Chitharan athumna kaphungli ‘Ithumli khaminrorlu’ kala ‘Leisumsumli ithumli kakhayinlu’ da hāngra.

LUKE 23:32

Kala Jishuli ngasoda yomnao khanilila shaothat khavai thānvai.

JOHN 15:6

Kachikathāna ili mazangakha aphāng katheng thada katatkhui, kala kazipkhuilaga meili horsangda chuitā ngasaka.

HEBREWNAO 6:8

Kha ka̱shāt eina khawomāng kaphor ngalei chi kānkhanā maleimana; chili Varena khonshikapaiwui kalāshāt lei kala mei eina shimān ngasakra.

JUDE 1:12

Athumwui khamarip china ngarumsakwui morsonli nathumli maishi ngasakta hamak neokhami kathāna. Athumna athum khalattawui vangmāng phaninga. Athum chi zingrot makazang muiyā masina phankazat kathāna. Athum chi māthei kachāng eina tangda athei makhamathei kala angayung phurshoklaga thichao kahai thingrong kathāna.