LUKE 23:2 - Kathara Bible (BSI)

² khuivālaga hithada kasotsanga, “Mipā hina ithumwui yurli mashongachei ngasakta Caesarlila shai mami khavai khāma kala akhalatta Khrista Awunga akhana ji.”

LUKE 23:2 Iomraidhean Croise

1 WUNGNAOBING 18:17

Ahabna Elijahli kathei eina “Israelli khanang khangasaka, chi nala?” da ali hānga.

LAA 35:11

Minama shākhibing thuinganinga; ina makathei otwui pongli athumna ngahāna.

LAA 62:4

Awui khangampamwui eina ngakhuntā khavaimāng athumna ngarāna. Khangui otsakli athumna ringphai. Athumna khamor eina somi kha alungshong athumna khonshiya.

JEREMIAH 20:10

Kaja ngathumda tarākha khangazek ina shai. Kuimareida khangachee lei! “Ali mashātalu! Ithum ali mashātsa!” da iwui theikhamasui ngasotnaobingna hānga, I kongkhalui ngashānpama. “Ali minampailapai, chithākha ithumna ali yuishapra, chithākha ithumna ali athut khuipaira.”

JEREMIAH 38:4

Chieina wungnaobingna awungali hānga, “Mipa hili shaothathaolu; kaja ana hikathā tui matuida keinung hili khalei raimibing, kala mi saikorali ningteo ngasakta lei. Kaja mipā hina mibingwui phākhavai maningla kalā shikhavai sāda lei.”

AMOS 7:10

Chiwui thili Bethelwui pāngmon Amaziahna Israelwui awunga Jeroboamli pao chiphunda hānga, “Israelwui shimkhurli Amosna nali mithit khalen sāhaira; ngalei hi awui tui maphungrarthura.

ZECHARIAH 11:8

Kachāngkhawui alungli ina yaokahoma kathum shimān ngasaka. Kha ina athumli maja̱mirarthuwa, kala athumnala ili yangkharinghaowa.

MATTHEW 17:27

Chithālala athum malungmavāt khavai shamadruli vālaga khaisui akha ahorsanglu, nana samphangkhare khai chi khuilaga khamor phākkhayang tharan shekel akha samphangra; chi khuilaga iwui eina nawui chi shānmihaolu.”

MATTHEW 22:21

“Caesarwuina” da athumna ngahānkai. Chieina Jishuna athumli hānga, “Chithākha Caesarwui chi Caesarli milu, kala Varewui chi Vareli milu.”

MATTHEW 27:11

Jishuna governorwui mangāli kānganinga kala governorna Jishuli, “Na Jihudiwui awungalā?” da ngahāna. “Chi nana hānghaira” da Jishuna ngahānkai.

MARK 12:17

Chieina Jishuna hānga, “Caesarwui chi Caesarli milu; kala Varewui chi Vareli milu.” Athumna awui tui chi shālaga matakhakhaowa.

MARK 15:2

Kala Pilatena ali ngahāna, “Na Jihudiwui awunga chila?” Chieina Jishuna “Chi nana hānghaira” da ngahānkai.

LUKE 23:14

“Nathumna mipā hili mashongachei khangasaka mina da khuirai, ina nathumwui miktāli khari-kharāda ngahānyanghaira, kha awuitungli kaphen saikora chi khikha khamashung masamphangmana.

LUKE 23:5

Kha athumna pangmeida hānga, “Awui tamkachithei china Judea ngalei katongali pa̱ngapā ngasakhaira. Hi ana Galileewui eina haophoklaga ara hilila rāshunghaira.”

JOHN 18:29

Chieina Pilatena ayarli athumli shoksamphangda hānga, “Nathumna mipa hili kaphen khi leikhala?”

JOHN 18:30

Athumna ngahānkai, “Mipa hina yom ot masāsāsi kaja nawuili makhuirāmara.”

JOHN 19:12

Pilatena tui chi shālaga Jishuli chihomi khavai khangarān sai. Kha Jihudibingna “Nana ali chihomihaiakha, na Caesarwui ngasotnao maningmana, awunga sākhavai khangarān kasā mi chi Caesarli yangkashina” da vaowa.

OTSAK 24:13

Arui athumna iwuitungli kaphen hi mashunga da theikhui khavai athum shākhila mamirarmara.

OTSAK 24:5

Mipa hi khonzār khangasaka, okathuili khalei Jihudi saikorali kuikazā khangasaka kala Nazarene ashangwui kathāna akhana da ithumna theikhuihaira.

ROMNAO 13:7

Athumli miphalungki kaji chi milu; miphawui khāshinā mikhangayili milu kala khayāshi khangayili khayāshilu.