LUKE 23:14 - Kathara Bible (BSI)

¹⁴ “Nathumna mipā hili mashongachei khangasaka mina da khuirai, ina nathumwui miktāli khari-kharāda ngahānyanghaira, kha awuitungli kaphen saikora chi khikha khamashung masamphangmana.

LUKE 23:14 Iomraidhean Croise

DANIEL 6:4

Chiwui vang khayaiwobing kala satrapbingna wungram Danielwuitungli khayon mikhavai phai; khamashunga, ningtongda shitkasang mi sāthuihaoda khayon khikha masamphangmana.

MATTHEW 27:19

Chili lāngda Pilatena bichar sākhavaipamli leilakha apreiva̱na ali tui akha shirāta, “Khayon makhalei mi chili khikha sākhavai maleimana, khikhalajila arui ngayā iwui mangshong ina awui vang tarākha khananghaira.”

MATTHEW 27:24

Hānglala makannāluimara, khangama̱ khangashao shok khavaina da Pilatena kathei eina, tara̱ khuilaga yaruiwui mangāli apāng mazikta hānga, “Mipā hili thikhangasak hili iwui pāng khikha mazangmana. Hiya nathumna sākakhuina.”

MATTHEW 27:4

hānga, “Khayon makhalei mili shaothat khavai yankasai hi I morei sāhaira.” Athumna ngahānkai, “China ithumli khi sākida? Chiya nawui otna.”

MATTHEW 27:54

Jishuli mayonkapama raimiwui akhavā eina ali khangaso awui shipaibingna neina̱ kakhanuk, kala kashokshok chi kathei eina ngacheekhaihaoda hānga, “Kachangkhat eina hi Varewui naomayarana.”

OTSAK 13:28

Athumna awuitungli thikhavai shongrān masamphanglala shaothat ngasak khavai Pilateli poi.

OTSAK 17:11

Thessalonicawui mibingliva chiwui mibingna ning hakmeikhāra. Athumna chānpao chi ningsanglak eina nganai kala thangkachida Paulna kahāng chi kachangkhat mashungka mamashungmakhala kaji theikhavai kathara lairik chi pāchinga.

HEBREWNAO 7:26

Chiwui vang eina ithumwui ningkachāng ungshung khavai pāngmon kharei chi Jishuna. A Katharana; ali khayon kala morei maleimana; morei kaphungbingwui eina ngateimihaida kazingramli chuimeida khuikāhaira.