LUKE 22:52 - Kathara Bible (BSI)

⁵² Chiwui thili ali tukkhuikida kharā pāngmon akhokabing, khorumshimwui akhavābing kala hangva̱naobingli Jishuna hānga, “Khaleli tukkhuiki kaji thada raighai eina thinghun singda kharālā?

LUKE 22:52 Iomraidhean Croise

2 WUNGNAOBING 11:15

Chieina raimibingli yangmi khavai raithānabingli pāngmon Jehoiadana kasoda hānga, “Ali raimibingwui ngachai eina khuishoklu, kala kachikathāna ali shurakha raighai eina sāthatlu.” Kaja, “Prohowui shimli masāthatalu.” da pāngmonna hānga.

MATTHEW 26:47

Jishuna matuimahungda leilakha tharāda khaniwuili zangkasā Judasli ngasoda mi kachungkha thinghun kala raighai singlaga athumwui pāngmon akhokabing eina hangva̱naobingwui eina rai.

MATTHEW 26:55

Pung chichangli Jishuna yarui chili hānga, “Ili nathumna khaleli tukkakhui thada raighai kala thinghun singda kharālā? Thangkachida khorumshimli ina nathumli ngasopamlaga tamchithei, kha nathumna ili matukkhuimana.

LUKE 22:37

Kaja ina nathumli kahāngna, ‘Ali khayon kasābing mishānli shānsanga’ da kathara lairikli hāngkahai chi iwuili ungshungphalungra, kaja iwui pongli kapi kahai chi ungshungmamānhaira.”

LUKE 22:4

Chieina Judasna zatthuihailaga pāngmon akhokabing eina shipai akhavābingli kathada Jishuli yorsangmipairakhala kajiwui apongli angazeka.

LUKE 22:51

Kha Jishuna, “Thāhaolu, masāluipaimara,” da hānga kala akhanāli singza̱da raimihaowa.

LUKE 22:53

Ina thangkachida nathumli khorumshimli ngasokapam tharan nathumna ili pāng maparmana. Kha tangkhamangwui pangshapna munghaokida aja hi nathumwuina.”

JOHN 17:12

Nana ili mikahai athumli ina ngasoda leilakha namingwui pangshap eina ina athumli mayonmi, ina athumli mayonmida leilakha, kathara tui chi ungshung khavai shimānphalungki kajepa maningla khipākha mashimānmana.

OTSAK 5:26

Chieina akhavā china kashinabingli ngasovālaga athumli akhuiluishita, kha mibingna lunggui eina horpaishina da khangacheewui vang zakshilāk eina masāmana.