LUKE 22:42 - Kathara Bible (BSI)

⁴² “Avā, nana mayāmiakha, tengkot hi iwui eina kakhuithuimihaolu, chithālala iwui kaphaning maningmala kha nawui kaphaning eina vaimilu.”

LUKE 22:42 Iomraidhean Croise

LAA 40:8

O iwui Vare, nawui kaphaning chi ina sāmingailaka; nawui ain iwuklungli lei.”

ISAIAH 51:17

Nakhalatta thuimathuklu, khalatta thuimathuklu, nganingkālu, O Jerusalem, Prohowui pāngli marip kahaia na, awui malungkhavātwui tengkot, akhan tāshungda mangsanghaira, yuichāchāng kahaiwui khorāmna.

ISAIAH 51:22

Proho, nathumwui Proho, nathumwui Vare, awui mibingwui vang phayetkhame china hithāda hānga: “Yanglu, nathum pāngwui eina yuichachang kahaiwui khorām; iwui malungkhavātwui khoklui ina khuithuimihaira; nathum mamangluimara;

JEREMIAH 25:15

Chithāda Israelwui Proho Varena ili hithāda hānga: “Iwui malungkhavātwui tengkot hi khuilu, kala ina nali kashivāt miyur saikorali hi shimanlu.

MATTHEW 11:25

Atam chili Jishuna phongshoka, “Ina nali ningshili Avā, kazing eina ngaleiwui Proho, khiwui vangkhala kaja nana otbing hi thangkhamei kala katheiabingwui eina thummihailaga angangnaobingli chitheimi,

MATTHEW 11:26

mha, Avā, chikatha chi nawui lukhamashanwui kaphaningna.

MATTHEW 20:22

Kha Jishuna ngahānkāda hānga, “Nathumna kapo chi khikhala da nathum matheimana, ina mangki kaji tengkot chi nathum mangshapla?” “Ithum shapa” da athumna ngahānkai.

MATTHEW 26:39

Ana khavāmeilaga ngaleili ngakhumshām zangda seihā sai, “iwui Avā, sāpaisi kaja kakhanangwui tengkot hi iwui eina khuithuimihaolu! Chithālala iwui kaphaning maningmana kha nawui kaphaning eina vailu.”

MATTHEW 26:42

Latluida, kakhanelila Jishuna seiha vāsālui’ “Avā, ina hi makhamang masāpaimara jilala, nawui kaphaning eina vaimilu.”

MATTHEW 26:44

Jishuna athumli haiphunglaga vāluishita kala kakathumalila ngaraikachā tui chi hānglaga seihā sālui.

MATTHEW 6:10

Nawui wungram rāshungmilu; Kazingramli khavai thada, Okathuilila nawui ning eina vaimilu.

MARK 14:36

Kala ana hānga, “Abba, Avā, nawui vanga saikora sāpaisera, tengkot hi iwui eina kakhuithuimihaolu, thālala iwui kaphaning maningmana kha nawui kaphaningna.”

LUKE 23:34

Jishuna hānga, “Avā, athumli pheomilu, athumna khi kasākhala da matheimana.” Kala awui kashankachon ngayar khavai athumna ka̱lā yanga.

JOHN 18:11

Jishuna Peterli hānga, “Nawui raighai chi ahonli sanghaolu. Avāna ili mikahai tengkot chi I mamangmarala?”

JOHN 4:34

Kha Jishuna hānga, “Ili kashirātawui ningkachāng ot kasā kala chi ungshung khangasak chi iwui kashakazāna.

JOHN 5:30

“I khalattawui sāshap eina khikha masārarmana, kha Varena kahāng athishurda ina bichar kasāna, chieina iwui bichar khamashungana; kaja iwui ningkachāng masāla ili kashirātawui kaphaningmāng kasāna.

JOHN 6:38

Kaja ina kazingramwui eina katā hi I khalattawui ningkachāng maningmana, kha ili kashirātawui ningkachāng sākhavaina.

OTSAK 21:14

Ithumna ali mahāngkhuirarthuda “Prohowui kaphaning eina vaihaoranu” jihaowa.