LUKE 22:34 - Kathara Bible (BSI)

³⁴ Ana hānga, “Peter ina nali kahāngna, aja ngayā nana ili matheimana da kathumshida mahangranglakha eina tangda harvāna makhongmara.”

LUKE 22:34 Iomraidhean Croise

MATTHEW 26:34

Jishuna Peterli hānga, “Kachangkhat eina ina nali kahāngna, arui ngayā harvāna makhongranglakha nana ili matheimana da kathum shida hatra.”

MATTHEW 26:74

Chiwui thili Peterna a khalatta khonshāt pokhuida shākhi sāda hānga, “Ina khamashung tui matui kala mingkazaina! Ina khamashung tui mamatuimana jiakha Varena ili tandi miranu, I mipā chili matheimana.” Chichang chili harvā khonguwa,

MARK 14:30

Chieina Jishuna Peterli hānga, “Kachangkhat eina ina kahāngna, arui ngayā harvāna khanishida makhongranglakha nana ili matheimana da kathumshida hatra.”

LUKE 22:33

Chieina Peterna ngahānkai, “Proho, ina nali ngasoda phātopli vākhavai kala thirum khavai ngarānpinghaira.”

LUKE 22:35

Chieina ana athumli hānga, “Ina nathumli lupākhaola, paidula, pheihopla mazangla chihokhavā tharan nathum khikha khavāt leihaolā?” “Khikha khavāt maleimana” da athumna ngahānkai.

LUKE 22:61

Prohona kapeiungda Peterli munlak eina yanga. Kala “Aja, harvāna makhongranglakha nana ili kathum shida hatra” da Prohona hāngkahai tui chi Peterna phaningunga.

JOHN 13:38

Jishuna ngahānkai, “Na kachangkhat iwui vang thishapralā? Kachangkhat eina ina nali kahāngna, harvā makhongranglakha nana ili matheimana da kathum shida hatra.”

JOHN 18:27

Peterna, “Maningmana” da ngahānkai, kala chichangli harvā khonguwa.