LUKE 22:26 - Kathara Bible (BSI)

²⁶ Kha nathumliva chi maningmana, nathumwui ngachaili reimeithui kajena nganuimeikap kaje kala kathāna china otram ngatha̱khame sathalu.

LUKE 22:26 Iomraidhean Croise

MATTHEW 20:26

Nathumwui ngachailiva chi mathamara; kha nathumwui ngachaili hakki kaje china nathumwui otram ngatha̱me sāphalungra,

MARK 10:43

Kha nathumwui alungliva chi maleimana kaja nathumwui alungli reikhangaiapa china saikorawui rao sāphalungra,

MARK 9:35

Jishuna pamzangda tharāda khani chili hokhuida hānga, “Khare sāga jiakha saikorali naomeithuira kala saikorawui rao sāra.”

LUKE 9:48

kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”

ROMNAO 12:2

Okathuiwui khangachāli mangarumhaialu, kha nathumwui ning chi onchang onngasaklu. Chieina nathumna Varewui ningkachāng kaphā, ningyāng ungkapai kala kākashung chi khikhala da theipaira.

1 PETER 5:3

Nathumli mikahai athumwuitungli akhavā masaalu; kha yaobingna sha̱khui khavai acham sāchitheilu.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”