LUKE 22:19 - Kathara Bible (BSI)

¹⁹ Chiwui thili ana khamui khuida ningkashi mijang kahai eina serkhailaga athumli mida hānga, “Hi iwui asāna, nathumwui vang mikahaina. Ili phaningungda hi sāchinglu.”

LUKE 22:19 Iomraidhean Croise

LAA 111:4

Ana awui tekhamatei ot phaningung ngasakhaira; Prohova lumashan leishi kathāna.

SOLOMONWUI LAA 1:4

Nali nganai ngasakmilu, ini thakusa. Awungana ili awui kāli thānzanga, ithumna mathānda nali ringphārumra; drakhāra̱li lāngda nawui leikashili ithumna sora; athumna nali leishikachangkhata.

EZEKIEL 37:11

Chiwui thili ana ili hānga, “Miwui naomayara, ara̱kuibing hi Israelwui shimkhur katongana. Yanglu, athumna, ‘Ithumwui ara̱kui thengthuthaira, kala ithumwui kachihān shimānhaira, ithum maringluimara’ da hānga.

EZEKIEL 5:5

Proho VAREna hithāda hānga: Hi Jerusalemna; ina ali yur saikorawui alungthungli haikahaina kala keinung kachungkhana kuinam ngasaka.

DANIEL 2:38

chili lāngda apam kachida khalei mila, ramsāla, yongkazat vānaola, saikorali khamunga sākhangasaka, na sināwui akui china.

MATTHEW 14:19

Chiwui thili Jishuna yarui saikorali khawotungli pamzang khavai kasoi, kala khamui phangā eina khaih khani chi khuilaga kazingramli yangkāda somi, kala serkhaida khamui chi sākhangatha̱bingli mi, sākhangatha̱bingna yaruili yaowa.

MATTHEW 15:36

ana khamui shini kala khai chi khuilaga ningkashi seihā sai kala serkhailaga sākhangatha̱bingli mi, chieina athumna yaruili yaowa.

LUKE 22:17

Chiwui thili ana tengkot khuida ningkashi mihailaga athumli hānga, “Hi khuida nathum ngayarmanglu;

LUKE 22:20

Kharewui tākam eina shaikup kahai tharan tengkot chi athumli mida hānga, “Nathumwui vang heishokmi kahai tengkot iwui ashee eina sākahai kadhara tuingashitna.

LUKE 24:30

Phazāuki kaji eina ana khamui khuida seihā sālaga serkhaida ngayarmi,

JOHN 6:23

Chitharan Tiberiaswui eina kharā marikhongbing chi, Prohona seihā sālaga mi kachungkhali khamui mikashai apam chiwui ngalemli rāngasāma.

JOHN 6:51

I kazingramwui eina katā kharinga kashakazāna. Kachikathāna hi zaakha a katang mavaila ringra kala apuk-apaga ringkhavai ina miki kaji kashakazā chiya iwui asāna.”

1 CORINTHNAO 10:16

Prohowui phākachizātli sokhami tengkotwui vang ithumna Vareli ningkashi khami hi Khristawui asheeli khangarumna, kala ithumna khamui serkhaida kashai tharan Khristawui phasāli khangarumna.

1 CORINTHNAO 10:4

kala athumli ngasokazata manglārinwui lunghār chiwui eina athumna khamang samphanga; lunghār chi Khrista a khalattana.

GALATIANAO 1:4

Aruihonwui makaphā mithot hiwui eina ithumli ningkhān ngasak khavai, ithumwui Vare kala Avāva̱wui kahāng nganāda Khrista a khalattana ithumwui moreiwui vang thimihaira.

GALATIANAO 4:25

Arabiali khalei Sinai kaphungwui mathun sāda khalei Hagar eina awui naongarā zangda rao sāser kahai hi aruihonwui keinung Jerusalemwui chānjamna.

EPHESIANAO 5:2

Khristana ithumli leishida ithumwui vang Vareli ningyāng ungkhavai nganamkaphā kachigat kala pha̱phayākhami chithada, nathumla leikashiwui lungli yaothuizatlu.

1 THESSALONICANAO 5:18

Kashoshok ot saikorawui vang ningshilu; Khrista Jishuli khangarumwui vang nathumli hi Varena sāngasakngailaka.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.