LUKE 22:17 - Kathara Bible (BSI)

¹⁷ Chiwui thili ana tengkot khuida ningkashi mihailaga athumli hānga, “Hi khuida nathum ngayarmanglu;

LUKE 22:17 Iomraidhean Croise

LAA 116:13

Huikhamiwui tengkot ina khāngkāra kala Prohowui mingli ngakaokāra.

LAA 23:5

Iwui yangkashebingwui mangāli nana ili kashakazā ngarānmi; ikuili nana thao neomi, iwui tengkot pemtha̱mi.

JEREMIAH 16:7

Kathiwui vang sifada khalei athumli ning ringphā khavai khipānakha khong makhaisangmimara; kala ava̱ avā kathiwui vang ning lumkhavai mamimanglakmara.

MATTHEW 14:19

Chiwui thili Jishuna yarui saikorali khawotungli pamzang khavai kasoi, kala khamui phangā eina khaih khani chi khuilaga kazingramli yangkāda somi, kala serkhaida khamui chi sākhangatha̱bingli mi, sākhangatha̱bingna yaruili yaowa.

MATTHEW 15:36

ana khamui shini kala khai chi khuilaga ningkashi seihā sai kala serkhailaga sākhangatha̱bingli mi, chieina athumna yaruili yaowa.

MATTHEW 26:26

Athum phazāmahunglakha Jishuna khamui khuida ningkashiwui seihā sāhailaga khamui chi serkhaida athumli mida hānga, “Khuilu, shailu, hi iwui asāna.”

MARK 14:22

Athum phazāmahungda leilakha Jishuna khamui khuisingda ningkashiwui seihā sakuphailaga khamui serkhaida athumli mida hānga, “Shailu, hi iwui asāna.”

LUKE 22:19

Chiwui thili ana khamui khuida ningkashi mijang kahai eina serkhailaga athumli mida hānga, “Hi iwui asāna, nathumwui vang mikahaina. Ili phaningungda hi sāchinglu.”

LUKE 9:16

kala khamui phangā khaih khani chi ana singkhuilaga kazingramli yangkāda sokhami pomi kala khamui chi serkhaida yaovā khavai sākhangatha̱bingli mi.

ROMNAO 14:6

Kachikathā mina kachikathā zimiksho akhali saklak eina kaphaning chi Proholi khayākashina, kaja kachikathāna shaiser kaji chi Proholi khayākashiwui vangna, khikhalajila ana kashakazāwui vang Vareli ningkashi mi. Kachikathāna mashai-mashakphāphā kajila Proholi khayākashiwui vangna, anala Vareli ningkashi mi.

1 CORINTHNAO 10:16

Prohowui phākachizātli sokhami tengkotwui vang ithumna Vareli ningkashi khami hi Khristawui asheeli khangarumna, kala ithumna khamui serkhaida kashai tharan Khristawui phasāli khangarumna.

1 CORINTHNAO 11:23

Kaja ina nathumli tamkachithei chi Prohowui eina samkaphangna, kaja Proho Jishuli yorzāthang ngayā Jishuna khamui khuida

KHALATLUI 8:10

Kala nathumna phāshak phazāda thochingra; khamathā ngalei khamiwui vang Proho nathumwui Vareli nathumna masot chigatra.”

1 SAMUEL 9:13

Ana phazā khavai kaphung kajuili makāranglakha, nanina keinung lungli zangkhaleoda ali samphanghaora; kaja pha̱kaphayā hili ana somiki jihaoda, ana masomiranglakha khipākha mazāmara; chiwui thili horākahaibing saikora zānaora. Kaulu, samphangngalanghaora” da athumna hāngmi.