LUKE 21:33 - Kathara Bible (BSI)

³³ Kazingram eina okathuila shimānhaora kha iwui tuiva kachilikha mashimānmara.

LUKE 21:33 Iomraidhean Croise

LAA 102:26

Athum shimānra, kha nava leichingra; athum saikora kashankachon thāda kakhaora. Kashankachon thāda nana ngacheimi, kala athum kānthuihaowa;

LAA 119:152

Nawui tamkachithei eina ina acha theihairasai chiya nana katang mavaila phāshok kahaina da.

ISAIAH 40:8

Thingnāna thenga, awonla ngahui, kha ithum Varewui tui mashimānda leichingra.

ISAIAH 51:6

Kazingramli namik yangkālu, kala azingshong okathuili yangtālu; kaja kazingram meikhut thāda shimānhaora, okathuina chonshi thāda tāngurhaora, kala chili kapambing hāmi thāda thihaora. Kha iwui huikhami leichingra, kala iwui ngatangkhami katang mavaimara.

MATTHEW 24:35

Kazingram kala okathuila shimānhaora, kha iwui tui mashimānlakmara.

MATTHEW 5:18

Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

MARK 13:31

Kazingram kala okathuila shimānhaora, kha iwui tui mashimānlakmara.

LUKE 16:17

Kha Ainwui tui sampārikkha sākakhailiva kazing eina okathui shimān kahaina paimei.

LUKE 21:32

“Kachangkhat eina nathumli kahāngna, ot saikora hi mashokserranglakha thot hi mashimānmara.

1 PETER 1:25

kha Prohowui tui chiya katang mavaila ngayurzatchinga, tui chi nathumli hāshok kahai khamathā paokaphā china.”

PHONGKHAMI 20:11

Chiwui thili charshi kahai wungpamkhong kahakva akha chili kapama chili thei, awui mangāli kazingla okathuila shimānhaida athumwui pam maleisāmana.