LUKE 21:24 - Kathara Bible (BSI)

²⁴ Athum kaikhali raighai eina shātthatra, khangateibingli narkahai rao sāda yur saikorali khuivāra; kala yur khangateibingna Jerusalemwuitungli naikazamra.”

LUKE 21:24 Iomraidhean Croise

HAOKAPHOK 34:26

Anina Hamor eina anaomayara Shechemli raighai eina sāthathailaga ashi shimwui eina Dinahli khuiphungda thuihaowa.

SHONGZĀ 17:13

kala Joshuana Amaleknaoli kala awui mibingli raighai eina ngararda yuikhui.

ISAIAH 5:5

Ara iwui yāmguili ina khi sarakhala kaji ina nathumli hangga. Chiwui ngaveithing ina pheihaora, kala chi sākathānhaora; chiwui phākho ina sākhailaga chi naikazamhaora.

ISAIAH 63:18

Nawui katharabingna kasha̱khawui vang nawui kathara shim khuisai, chi ithumwui yangkashebingna naikhaitā kahaina.

ISAIAH 66:12

Prohona hithāda hānga: “Yanglu, kong thāda ina ali mataisang ngasakra, kala miyurbingwui lan kong pemkatha̱ thā ngasakra. Nathumna awui na̱ mangra, nathumli khumkhorli phungra, kala awui khuksaotungli khāngkhalongpamra.

ISAIAH 66:19

Kala ina athumwui alungli khamachut akha haira. Kala athumwui eina ringda khaleibing kaikha chi miyurbingli chihovāra: Tarshishli, Putli, kala Ludli; malā kahuna, Tubal eina Javan, ngayiphei katāva̱li khalei, iwui mingkhamayāng mashārang kaji lah iwui tekhamateila matheirang kajebingli; athumna yur saikorali iwui tekhamatei phongmira.

CHAPCHĀT 1:15

“Iwui kapinga saikorali Prohona machāpmimana; iwui yaronnaobing sākazammi khavai ili makhamayāwui kazip akha hokhui; drakhāra̱ kasurli naikakazam thāda Judahwui kachinga naongalāva̱li Prohona naikazama.”

DANIEL 12:7

Khamenga kachon ngavaida tara̱tungli khanganinga china yāpang eina uipang kazingram shong khāngkai, mashimānda kharinga chiwui ming singda, atam akha, atam khani kala atam tangkhai leifara da kahāng ina shai; kala katharabingwui pangshap sākazammichang kahaiwui thili ot saikora ungshungra.

DANIEL 8:13

Chiwui thili kathara akhana kahāng ina shai; kala kahānga chili khangatei kathara akhana hānglui, “Machatlakla rikkatā kachigat, mashun maleila shimān khangasaka, katharashim horsangmihaida chiwui ashangva̱li naikakazamwui khamahā kathei hi karankhafarakhala?”

DANIEL 9:27

Ana haptā akhawui vang kachungkhali mangacheikapai tuingashit khuira, kala haptā chiwui ngahunshing khavā eina athumwui pha̱kaphayā kala kachigat saikora khāmmihaora; chiwui mahutli Khorumshimwui chuimeikap kajeli khalei katharapam chili ningkakachai yangkakharing meoma̱ haihaora kala Varena mipa chiwui vang ngarān kahai athit chi marāranglakha eina tangda leiki jihaoda mi khipanakha makhorumpaithuda katharapam chi ramcho kahai thahaora.

MALACHI 1:11

Khikhalajila zimik kashok eina thuilaga katun eina tangda yurbingwui ngachaili iwui ming hakkhamahāna, kala apam kachida nganamkaphā thao chi iwui mingli chigata, kala kathara kachigat mi; khikhalajila yurbingwui ngachaili iwui ming hakkhamahāna da saikorawui Prohona hānga.

LUKE 21:25

“Zimik, kachāng, sirā saikorali matakhak kahai kachungkha shokra, kala shamadruwui tara̱ khangaphaokhon shāda khangachee eina okathuili pa̱khangapāwui kachotkachāng rāra.

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

HEBREWNAO 11:34

khamalinga mei shimitmi, raighaiwui eina nganaishoka, khangazanwui eina pangshap samphanga, raili pingshuna, ayar ngaleiwui raimili kashamshapa.

PHONGKHAMI 11:2

Kha khorumshimwui ayar yāngkhup chi matamkhuialu; chiya miyur khangateili mikahaina kala athumna kathara keinungtungli kachāng hangmatida khani naikazamra.