LUKE 21:20 - Kathara Bible (BSI)

²⁰ “Kha Jerusalemli raimina kuikhanam tharan kashimān atam nganaiura da theilu,

LUKE 21:20 Iomraidhean Croise

DANIEL 9:27

Ana haptā akhawui vang kachungkhali mangacheikapai tuingashit khuira, kala haptā chiwui ngahunshing khavā eina athumwui pha̱kaphayā kala kachigat saikora khāmmihaora; chiwui mahutli Khorumshimwui chuimeikap kajeli khalei katharapam chili ningkakachai yangkakharing meoma̱ haihaora kala Varena mipa chiwui vang ngarān kahai athit chi marāranglakha eina tangda leiki jihaoda mi khipanakha makhorumpaithuda katharapam chi ramcho kahai thahaora.

MATTHEW 24:15

“Masai khangasak ningkakachai ot da marān Danielna hānghaikasa china katharapamli khanganing chi nathumna kathei tharan (pākakhuia china bhap tākhuiranu),

MARK 13:14

“Kha masaimi kahai ningkakachai ot china maleikharān apamli khalei nathumna kathei tharan(pākakhuibingna bhap tākhuiranu) Judeali khaleibingna phungreili yāmkāranu;

LUKE 19:43

kaja nathumwuitungli ka̱lākashi atam chi rārāsāra, chitharan nathumwui yangkashebingna raipan sālaga rākuinamhaora kala achithek kachiva̱wui eina muirāra.

LUKE 21:7

Chieina athumna ali ngahānna, “Ojā, hi katharan shokrakhala kala atam chi ungshungrārāli kajiwui machut katharakhala?”

HEBREWNAO 11:30

Shitkasang mangā eina Israelnaobingna Jericholi shinithang kakui eina chiwui phākho minkhaihaowa.

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.