LUKE 21:17 - Kathara Bible (BSI)

¹⁷ Nathumli imingwui vang mi saikorana ningkachaira.

LUKE 21:17 Iomraidhean Croise

MATTHEW 10:22

I wui vang eina nathumli mi saikorana yangkharingra. Kha khanao eina tangda khāngkashapa china kahui samphangra.

MATTHEW 24:9

“Chiwui thili nathumli tukkhuida tandi mikhavai kala shaothat khavai misangra. Yur saikorana iwui vang eina nathumli yangkharingra.

MATTHEW 5:11

“Iwui vang eina mibingna minamda khamashāt, rekakharek kala phenphāphāda morei chiphunkahaibing nathum sokhamina.

MARK 13:13

iwui mingwui vang mi saikorana nathumli yangkharingra. Kha khanao eina tangda kakhānga chili huimira.

LUKE 21:16

Nathumli nava̱ navā ngarānala, nachinā ngarānala, athei-asānala yansaira kala nathum kaikhali sākathatla sāthathaora.

LUKE 21:18

Kha nathumwui sampānao akha eina tangda mashimān ngasakmara.

LUKE 6:22

“Miwui Naomayarawui vang eina nathumli ningkakachai, mahei kahai, kachipat kala nali aming phorphāphāda kazei tharan sokhami ngasāranu!

JOHN 15:19

Nathumna apug-apagvawui ngasakha, apuk-apagva̱na awui chili leishira; kha ina nathumli apuk-apagva̱wui eina kapangkhuihaoda nathum apuk-apagva̱wui maningmana, chiwui vang eina apuk-apagva̱na nathumli ningkachai.

JOHN 15:21

Kha iwui vang eina athumna nathumli saikora hi sāra, kachiwui vangkhala kaja athumna ili kashirāta chili matheimana.

JOHN 17:14

Ina nawui pao chi athumli mi, chieina okathuina athumli ningkachaihaowa kaja ina okathui hiwui makhaning thada athumla okathui hiwui maningmana.

JOHN 7:7

Okathuina nathumli maningkachairarmana, kha ili ningkachai, kaja chiwui otsakbing chi makaphāna da ina hāngching kajiwui vangna.

OTSAK 9:16

Ana iwui mingwui vang kayākha chotchangra̱khala kaji ina ali chitheira.”

2 CORINTHNAO 12:10

Khristawui vang khangazan, maikashi, kakhanang, rekakharek kala kasak saikora ina phungngailaka. Kaja khangazan tharan pangshap samphanga.

2 CORINTHNAO 4:11

Ithumwui shimānkapai phasā hi eina awui kharing chi theikhuipai khavai Jishuwui vang ithum thikapai ka̱lāshat samphangchinga.

2 CORINTHNAO 4:5

Ithumna hākashok hi ithumwui tui maningmana, kha Jishu Khrista hi Prohona kala Jishuwui vang ithum nathumwui raona da tamkachitheina.

PHILIPPINAO 1:29

Khristali shitkasangmāng maningla kha awui vang kachotkachāng phungda otram ngatha̱ khavai nathumli atam kachā mihaira.

1 PETER 4:14

Khristawui thi kashurwui vang mina zeiakha nathum ringphālu; hiwui kakhalata tekhamatei manglā, Varewui Manglā chi nathumwui lungli lei.

PHONGKHAMI 2:3

Nana ningzingharingda iwui mingwui vang khāngmihaira, thālala mathāhailakrangli kaji ina thei.