LUKE 21:1 - Kathara Bible (BSI)

¹ Jishuna munlak eina yanga kala kashāngabingna khorumshimwui lupā sangkhavai okoli athumwui kachigat kasang chi thei.

LUKE 21:1 Iomraidhean Croise

1 WUNGNAOBING 14:26

Prohowui shimli kahai lan, awungawui shimli kahai lan, khalalei kachiva̱ pongkhuida khuithuihaowa. Kala Solomonna sākakhui sinā chāngvei chila khuithuiserhaowa;

2 WUNGNAOBING 12:9

Jehoiada pāngmonna oko akha khuilaga ashamli akhurnao saphuthai; kala Prohowui shimli zangkhavai hanphutwui yāshong ngalemli haihai; kala khāmong khamayona pāngmonbing china, Prohowui shimli rākhamimi pheisā chi chili sanga.

2 WUNGNAOBING 24:13

Prohowui shimli khalei lanbing, awungawui shimli khalei lan saikora pongthuihaowa; kala Prohona hangmarānhaikasā chi tākam eina, Prohowui shimli haikasā sinā eina kasā khorkhong saikora sākazammiserhaowa.

2 THOTRINCHĀN 36:18

Kala Prohowui shimli kahai, kateola, khareila, khorkhong katonga, chili khalei Proho shimwui lan saikora, awunga kala wungnaobingwui lan saikora Babylonli khuivāserhaowa.

NEHEMIAH 13:13

Chiwui thili Shelemiah pāngmon, kapime Zadok kala Leviwui eina Pedaiah athumli zātshim chiwui lansingmebing sākhavai kapangsanga, kala athumwui ngachonme sākhavai Mattaniahwui nao Zaccurna kapharā Hananli phāsanga; kaja athum shitsangkapaibingna, kala athumwui achinā ngarāli ngayarmi maronki kaji athumwui otna.

MATTHEW 27:6

Kha pāngmon akhokabing china lupā chi rutkhuilaga hānga, “Hi asheewui lupāna, kala lupāchumli kasang hi ainna mamayāmana.”

LUKE 20:47

rāmeinaobingwui lan khangaponbing kala sāchithei khavai seihā kasangsang sākharekabingli ningngasharlu. Athum hakkhamei khonshāt samphangra.”

JOHN 8:20

Jishuna saikora hi khorumshimwui lan haikhavai kāli tamchitheida kahāngna. Kha khipānakha ali matukkhuimana, kachiwui vangkhala kaja awui atam marārangsai.

JOSHUA 6:19

Kha lupāsā, sinā, kala pithrai eina mariwui tengkot hikathāthā Prohowui vāng khamataiana; hibing hiya Prohowui lan kazip khavaili ungsangra.”

JOSHUA 6:24

Kala athumna keinung kala chiwui alungli khalei ot saikora mei eina thottahaowa; kha lupāsā, sinā, pithrai eina mariwui khorkhongbing khuilaga Prohowui shimli khuiunga.