LUKE 20:36 - Kathara Bible (BSI)

³⁶ Athum mathiluimara, khikhalajila athum ringkhaluiwui naobing ngasāhaoda kazingraobingli ngaraichai kala Varewui naobing ngasāhaowa.

LUKE 20:36 Iomraidhean Croise

ISAIAH 25:8

Kathi kaho chi katang mavaila ana mayuitāhaora; kala Proho VAREna mi saikorawui chāra̱ mitmira. Kala awui miyurwui kakhayak chi okathuiwui eina khuithuimihaora da Prohona hānghaira.

HOSEA 13:14

Ina athumli Kathewui ramwui pangshapwui eina aman mida kankhuirala? Kathiwui eina ina ngatangkhuirala? O kathi, nawui singkakhareng kali leikhala? O Kathewui ram, nawui sākakhayang kali leikhala? Lukhamashan chi imikwui eina ngathumhaira.

ZECHARIAH 3:7

Saikorawui Prohona hithāda hānga: “Nana iwui shongpongli zatakha kala iwui kakaso mayonakha, nana iwui shimli mungra, kala iwui karotwui otsin singra, kala hili khaleibingwui ngachaili zangkhavai nali mayāmira.

MATTHEW 22:30

Kaja ringkhalui tharan athum ngalāla makhuimara, fakathuila mafathuiluimara, kha athum kazingramli kazingraobing thāhaora.

MARK 12:25

Kaja athumna kathiwui eina ringkhalui tharan athum ngalāla makhuimara, fakathuila mafathuimara kha kazingramli khalei kazingrao thāserhaora.

ROMNAO 8:16

Ithum Varewui naongarāna da chithei khavai Manglā china ithumwui manglāli ngaruma.

1 CORINTHNAO 15:26

Naomeikapta shimān ngasaki kaji yangkashe chi kathi chilina.

1 CORINTHNAO 15:42

Kathiwui eina ringkhalui chi chithara. Chizan kahai chi thikapai phasāna kala ringshok kahai chiya mathikapai ngasāhaora.

1 CORINTHNAO 15:49

Ithumla ngalei eina sākakhui mi chiwui azak kakhui thada kazing eina kharā ā chiwui azakla khuira.

PHILIPPINAO 3:21

Awui pangshap chi eina ot saikora awui azingli leingasakta ithumwui khikha masākhavai phasā hi awui tekhamatei phasā thada onngasakhaora.

PHONGKHAMI 20:6

Ringkhalui khareli kazang athum sokhami kala kathara ngasāranu! Chikathāwuitungli kakhane kathi china khipangshapkha maleimana kha athum Vare eina Khristawui pāngmon sāda athumna ali ngasoda zingkum thingkha mungrumra.

PHONGKHAMI 21:4

Ana athumwui chara̱ mitmira; kathi, malung kharing, kachot, chapkhangachāla maleiluimara, kaja kachama chi shimānhaira!”

PHONGKHAMI 22:9

Kha ana hānga, “Chi mathāpaimana! Iya nali, nachinā ngarā marānbingli, kala lairik hiwui tui khamayonbingli ngasoda otram ngatha̱kharum akhana. Vareli khorumlu.”