LUKE 20:23 - Kathara Bible (BSI)

²³ Kha athumwui mareimarā chi theilaga athumli hānga,

LUKE 20:23 Iomraidhean Croise

LAA 95:9

iwui otsak thatheilaga nashāvā ngarāna ili tamyangda chithei khavai sākhangasak thāda.

MATTHEW 16:1

Phariseebing eina Sadduceebing rāda ali chāng tamyang khavai kazingramwui eina machut akha chitheilu da poi.

MATTHEW 22:18

Jishuna athumwui makaphā ningphanin chi theihaoda, “Phākakhaningbing, nathumna khisāda ili chāng yangnganao kajikhala?

LUKE 20:20

Chieina athumna atam kachā chi rimpama kala kachikathā kaikhali pheizā mida khamashung-khangarong sārek ngasaklaga Jishuna khayontui matuiakha tukkhuilaga khamunga pangshap khaleiya Governorwui pāngli horsangmi khavai mi chihovai.

LUKE 20:22

Caesarli khāshinā khami hi mingayikā mamingayimakhala?”

LUKE 20:24

“Ili lupāsā akha chitheilu; chili khipāwui azak kala khipāwui aming kapihailikhala?” Athumna “Caesarwuina” da ngahānkai.

LUKE 5:22

Jishuna athumwui ngahān khangarok chi theida athumli hānga, “Khisāda nathumwui wuklungli machukphāphākhala?

LUKE 6:8

Kha ana athumwui kaphaning chi theihaoda pāng sheikasha̱pā chili hānga, “Hili rānganinglu.” Chieina ana ngakarthuida chili anganinga.

OTSAK 13:10

“Chipeewui naotun, khamashung saikorawui yangkashe, nava kachipat eina makaphāwui marei-marā kathemana. Prohowui khamashung shongfa mashongachei ngasakchingrala?

1 CORINTHNAO 10:9

Kaikhana Proholi chāng tamkhayangwui vang phara̱na makeithat kahai chithada ithumna Proholi chāng matamyangpaimara.

1 CORINTHNAO 3:19

Kaja okathui hiwui thangkhamei hiya Varewui mangāli mangkhama̱na. Hithada kapihaili, “Thangkhameibingwui awor kasā chi Varena paisor eina tukkhuishapa.”

EPHESIANAO 4:14

Chithākha ithum marei-marā awor eina kateibingli khanguili thānkasang mikhanamabingwui tamkachithei, chiwui masi china phanung-phanvāda yuiung-yuivā kaje naoshinaobing chikathā mangasāmara.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.