LUKE 20:17 - Kathara Bible (BSI)

¹⁷ Kha Jishuna athumli yanglaga hānga, “Chithākha kapi kahai hi khikhala? ‘Shim kasānaobingna horkahai lunggui china achithekwui khamakhoka ngalung ngasāhaira.’

LUKE 20:17 Iomraidhean Croise

LAA 118:22

Shim kasābingna khalan kahai lunggui chi, achikunwui akhoka pākra̱ ngasāhaira.

ISAIAH 28:16

Chiwui vang eina Proho VAREna hithāda hānga: “Yanglu, Zionwui shimphungali akhoka sākhavai mayarkazak kahai, khamakanga kala makhangatha̱a lunggui shunhaira. ‘Shitkasang khangatarbing ningnganungkhunghai.’

ZECHARIAH 10:4

Athumwui eina pakra̱ akhoka, athumwui eina kachonshimwui karhui, athumwui eina raiwui malā, athumwui eina awunga shokra.

ZECHARIAH 3:9

Kaja yanglu, ina Joshuawui mangāli shunmi kahai lungguitungli, lunggui akhawui lungmai shini khalei chili, tui chi kapisanghaora da saikorawui Prohona hānga kala ngalei hiwui khayon chi thangkhawui alungli khuishokmihaora.

MATTHEW 21:42

Jishuna athumli hānga, “Kathara Lairikli kapi kahai nathum mapāranglā: ‘Shim kasābingna horkahai ngalunggui chi achithekwui khamakhoka ngasāhaira; Hi Prohowui otsakna. Ithumwui mikyanli hi matakhakhai?’

MARK 10:23

Chieina Jishuna sākhangatha̱bingli yanglaga, “Varewui wungramli zangkida kashāngbingwui vang kayākha sakrakhala?” da hānga.

MARK 12:10

Kathara tui hi nathum mapārangla: ‘Shim kasābingna horkahai ngalung chi achithekwui khamakhoka ngasāhaira.

MARK 3:5

Athumwui ning khamakang chi theilaga wukkakhanang eina malungkhavāt ngasoda ana athumli yanglaga kakazā mipa chili “Napāng katinglu” da kasoi, ana katingkashok eina khangachā apāng thāhaowa.

LUKE 19:41

Ana vānganaimeida keinung chi akathei tharan keinung chiwui vang khanangda chaplaga hānga,

LUKE 22:37

Kaja ina nathumli kahāngna, ‘Ali khayon kasābing mishānli shānsanga’ da kathara lairikli hāngkahai chi iwuili ungshungphalungra, kaja iwui pongli kapi kahai chi ungshungmamānhaira.”

LUKE 22:61

Prohona kapeiungda Peterli munlak eina yanga. Kala “Aja, harvāna makhongranglakha nana ili kathum shida hatra” da Prohona hāngkahai tui chi Peterna phaningunga.

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

JOHN 15:25

Chithālala hi shokphalungra, kaja ainli kapi kahai ‘Khi ngalangkha maleila athumna ili ningkachaihaira’ kaji hi ungshung khavaina.

OTSAK 4:11

Hi nathum shim kasābingna horkahai kha achithekwui akhoka sāthui kahai lunggui china.

EPHESIANAO 2:20

Nathumla paokazatbing eina marānbingna sākakā shimphung chiwuitungli sākā kahaina kala Khristana chiwui akhokana.

1 PETER 2:6

Hithada kapihaida lei; “Yanglu, aman kasaka ngalung akha ina kapangkhui, kala Zionwui akhoka sāda shunhai; ali shitkasangbing ning makatatlakmara.”