LUKE 20:10 - Kathara Bible (BSI)

¹⁰ Atam ungkashung tharan khamasābingli amasātman akhui khavai awui rao akha chihovai. Kha khamasābing china ali shaomihailaga khamasai eina shiunhaowa.

LUKE 20:10 Iomraidhean Croise

1 WUNGNAOBING 22:24

Chieina Chenaanahwui naomayara Zedekiahna rānganailaga Micaiahwui maisorli akapheya, kala, “Prohowui Manglā kathāda iwui eina shoklaga nali ramatuipairakhala?” da hānga.

2 WUNGNAOBING 17:13

Chithālala, “Iwui rao marānbingli chihoda navā ngarāli ina kaso kahai iwui ain saikora chiwui athishurda makaphāwui eina mai ngareiunglaga iwui ningkhami kala shiyan-chikan mayonlu” da Prohona Israel eina Judahli awui marān kala kathei kachiva̱li hāngmathin ngasaka.

1 THOTRINCHĀN 19:4

Chiwui vang eina Hanunna Davidwui raobing chi tukkhuilaga kui simiserhaowa, kala kachonla ngahunpat tāmihaida, shaksha̱ eina tangda ngavailaga shiunserhaowa;

2 THOTRINCHĀN 16:10

Asana malungvātnahaida marān chili zurthing sanglaga narhai. Chili lāngda mi khangateilila Asana kachotkachāng mi.

NEHEMIAH 9:26

“Chithālala athumna kahāng manganāmada nali ngakaishilaga nawui ain nothahaowa kala nali hanung khavai hāngkhamathin nawui marānbinglila shaothata, kala kachipat ot kachungkha sai.”

NEHEMIAH 9:30

Kum kasāngkha nana athumli yangmi, kala nawui Manglānala marānbingli hāngmathin ngasaka, kha athumna manganāsangmana. Chiwui vang ngalei chiwui mibingwui pāngli nana horsangmi.

LAA 1:3

Chikathā mi chi kongrā tara̱pamli lingsang kahai thingrong, angasut khaung tharan athei khamatheiya, kala anā makhangahui kathāna. Ana kasāsā saikorali mataisanga.

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

JEREMIAH 20:2

Chieina Pashhurna marān Jeremiahli shaolaga Proho shimwui Benjamin Ngavei atoli khalei narkhavai shimli haihaowa.

JEREMIAH 35:15

Iwui rao marānbing kachungkha chihoda athumna, ‘Makhamashung apongwui eina nathum kachiva̱ latungda nathumwui apong mashung ngasaklu, kala khangatei vareli otram ngatha khavai mashurzatalu, chithakha nathumli kala navāngarāli ina mikahai ngalei chili somra’ da hāng ngasakchinga. Kha nathumna ili manganāsangmana, kakhuila makhuisangmana.

JEREMIAH 5:24

‘Atam athishurda mayo kachāng, māthei kachāng zingrot rokhame, kala mahātwui vang haptātā haimida ithumli yangkhame, Proho ithumwui Vareli ngacheesa’ da athumwui wuklungli mahāngmana.

LUKE 13:34

“Iyavo, Jerusalem! Jerusalem! Marānbingli shaokathata keinung, kala nali chihokharābingli lunggui eina horkathata! Ina nawui naongarabingli harva̱na anaobingli angachangzingli kazipkakhui thada kayākhashira, laga chi nana mamayāmana!

LUKE 20:11

Ana khangatei rao akhala shivātlui, kha alila athumna shaoda khayaklak eina sāmihailaga khamasai eina shiunluihaowa.

LUKE 20:9

Chiwui thili Jishuna mibingli chānjam akha hāngchithei, “Mi akhana drakhā yāmgui akha sai kala chi drakhā yāmgui khavā mi akhali masā ngasakhailaga atam kasāngkhawui vang kha̱ram vāhaowa.

JOHN 15:16

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

ROMNAO 7:4

Chiwui vang eina ivānaongarā, nathumlila chipapama; kaja nathum Khristawui akai ngasāhaoda, ainwui athishurdava nathum thihaira, kha Varewui otram khangatha̱li kannāmei khavai ringkhaluiya Khristali ringrumda awui ngasāhaira.