LUKE 2:49 - Kathara Bible (BSI)

⁴⁹ Chieina ana ngahānkai, “Nanina ili phākazat kathakahaini ji? I iwui Avāwui shimli pamra kaji nani matheithulā?”

LUKE 2:49 Iomraidhean Croise

LAA 40:8

O iwui Vare, nawui kaphaning chi ina sāmingailaka; nawui ain iwuklungli lei.”

MALACHI 3:1

Yanglu, iwui vang shongfa khangarān sākhavai iwui paome rida chiholi, kala nathumna phāda khalei Proho chi kashuirak eina awui khorumshimli rāra; nathumna ningyāngkhaunga tuingashitwui paome chi, yanglu, a rārāli, da saikorawui Prohona hānga.

MATTHEW 21:12

Jishuna Varewui khorumshimli vāzanglaga chili ot khayorbinglila kala khalobinglila saikorali kashamserhaowa, kala pheisā kakaibingwui tablela kala nasha̱ khayorbingwui pamkhongla horkathānmiserhaowa.

LUKE 2:48

Anina ali kathei eina matakhakhaida ava̱va̱na ali hānga, “Inao nava khi kasāniji? Yanglu, navā iniva malung tātungnanai nali phāhaira.”

JOHN 4:34

Kha Jishuna hānga, “Ili kashirātawui ningkachāng ot kasā kala chi ungshung khangasak chi iwui kashakazāna.

JOHN 5:17

Kha Jishuna ngahānkai, “Iwui Avā ot sāchingda lei, ila sāphalungra.”

JOHN 5:36

Kha iwui vang ina khami shākhi china Johnna khami shākhili hakmei, kaja iwui Avāna sālu da mikahai ina sāda khalei ot hina ili iwui Avāna kashirātna kajiwui shākhina.

JOHN 6:38

Kaja ina kazingramwui eina katā hi I khalattawui ningkachāng maningmana, kha ili kashirātawui ningkachāng sākhavaina.

JOHN 8:29

Ili kashirāta chi ili ngasodalei; imāngli ana mahorhaimana, kaja ina awui ningyāngkhaung chi sāchinga.”

JOHN 9:4

Ngashun horda leilakha ili kashirātawui ot chi ithum sāphalungra. Ngayā kharā tharan khipānakha masārarmara.