LUKE 2:4 - Kathara Bible (BSI)

⁴ Josephla Galileeli khalei Nazareth keinungwui eina Judeali khalei Bethlehem kaho Davidwui keinung chili vai, kachiwui vangkhala kaja Joseph hi Davidwui naotunna.

LUKE 2:4 Iomraidhean Croise

HAOKAPHOK 35:19

Chithāda sāda Rachel thihaowa, kala ali Ephrathwui (chiya, Bethlehem) shongfali chifahaowa,

HAOKAPHOK 48:7

Kaja ina Paddanwui eina kazat chitharān, Canaan ngaleili zatlakha, Ephrath mavāshungranglakha Rachel thihaida I wukkhananglakhaowa; kala ina ali Ephrath (chiya, Bethlehem) vākhavai shongfali chifahaowa.”

MICAH 5:2

Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

MATTHEW 1:20

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

MATTHEW 2:23

Ana Nazareth kaho keinung akhali vāpāna, chi marānbingna “Ali Nazarene hora” da hāngmarānhaikasā chi ungshung khavaina.

LUKE 2:3

Mi saikora mishānli zangkhavai kachichāramli ungsera.

LUKE 2:5

Awui khām kahaiva̱ Maryli ngasoda ming chankhavai khavā tharan Mary nao vaisai.

LUKE 4:16

Chiwui thili ana ali nganaokakā ram Nazarethli hanunga kala khangachā sākasā thada ana sabbaththang Synagogueli vai. Kala ana lairik pākhavai thuinganinga.

JOHN 1:46

Nathana-elna hānga, “Nazarethwui eina khamathā ot shokpairala?” “Rāyanglu” da Philipna ngahānkai.

JOHN 7:42

Kathara lairikli hāngkahai Messiah chi Davidwui shangnaora kala Davidna pamkasa keinung Bethlehemli pharāra” da hanghaili ji.

RUTH 1:19

Chithāda sāda ani Bethlehemli ngasounga. Ani Bethlehemli ungkazang chi kashā eina aniwui pongli aram ngazeklophaowa; kala preinaobingna “Hi Naomila?” da ngahāna.

RUTH 2:4

Kala yanglu, Boazna Bethlehemwui eina rāda mā kahātabingli, “Prohona nathumli ngasomiranu” da ahānga. Kala athumna, “Nalila Prohona somiranu” da ngahānkai.

RUTH 4:11

Chieina ngaveili leikasā mi saikora, kala khararnaobing china hānga, “Ithumna shākhina. Rachel eina Leahna ngarumda Israel shimkhur sākakā thāda, nawui shimli rāki kaje preiva̱̱ chili Prohona chithāda reisang ngasakranu. Nala Ephrathah pamli reisangda Bethlehemli aming zatranu;

RUTH 4:17

Kala khongnai preinaobingna aming phokmida, “Naomili nao akha pharāmihaira” da hānga. Athumna ali Obed phokmi; Obed hi Davidli kapharā Jessewui avāva̱na.

1 SAMUEL 16:1

Prohona Samuelli hānga, “Saulna Israelwui awunga saki kaji ina mamayāmana kaji thatheilaga nana awui vang karankha sifarakhala? Thaokhongli thao sangkhuilu, kala zatulu; ina nali Bethlehempa Jessewuili chihovāra; kaja awunga sākhavai iwui vang awui naomayarabingwui eina ina akha kapangkhuihaira.”

1 SAMUEL 16:4

Prohona kakaso athishurda Samuelna sai, kala Bethlehemli vai. Keinungwui khararnaobing china kathirriri rāsamphangda hānga, “Na chingri eina kharāla?”

1 SAMUEL 17:12

Chitharan David hi Judahwui Bethlehemli khalei Ephrath shimkhurwui Jesse kaho naomayarnao chishat leikasapawui naona. Saulwui atamli ava rarlakhairasai.

1 SAMUEL 17:58

Kala Saulna, “Yaronnao, na khipashinao mayarakhala?” da ngahāna. Kala Davidna, “Bethlehemli khalei narao Jessewui naomayarana” da ngahānkai.

1 SAMUEL 20:6

Kalikhada navāna ili phaakha ‘Davidna aram keinung Bethlehemli ungkhavai ili saklak eina pohaowa; kaja shimkhur saikorawui kumkumwui pha̱kaphayā leihaowa’ da hāngmilu.