LUKE 2:38 - Kathara Bible (BSI)

³⁸ Ana atam chichangli khorumshimli kāda Vareli ningkashi mi kala Jerusalemli ngatangkhami honda khalei saikorali nao chiwui pongli hāngchithei.

LUKE 2:38 Iomraidhean Croise

MARK 15:43

Arimatheawui Joseph kaho khayākaka hanga̱wui minganin kala Varewui wungram kapha mi china malung pinglak eina Pilateli vāda Jishuwui phasā chi apoi.

LUKE 1:68

“Israelwui Proho Vareli sosersa, kaja ana awui mibingli rāngachonmida athumli ngatangkhuihaira.

LUKE 2:25

Chitharan Simeon kaho mayarnao akha Jerusalemli leisai, a khamashung-khangarong, shitkasang khangazipa Israelli makarkhami honkapama kala Manglā Katharana ngasokhame mina.

LUKE 2:36

Ashershi shangli Phanuelwui naongalāva̱ Anna kahova̱ marān akha leisai, a sarhairasai kala fathuida zingkum shinimang agaharali ngasopama,

LUKE 23:51

Athumwui otsak chili a mazangmana kha Vare wungram kharā ngaraikapama mina.

LUKE 24:21

Israelli ngatangmiki kaje chi alaka da ithumna chihānsai. Chili lāngda otshot hi shokta ajana kathumthanghaira.

2 CORINTHNAO 9:15

Khamor eina mahāngkhararra awui lemmetwui vang Vareli ningshisa!

EPHESIANAO 1:3

Ithumwui Proho Jishu Khristawui Vare kala Avāva̱li ningshisa! Kaja ithumna Khristali khangarumwui vang kazingram katha apuk-apaga hili ithumwuitungli manglāwui sokhami kachungkha heirormihaira.