LUKE 2:37 - Kathara Bible (BSI)

³⁷ kala kum hangchishata mati kakā eina tangda ra̱meipama. Ana ngashun ngayā mateila kakhumla khum, seihāla sāda Vareli khorumlaga khorumshimwui eina mathuilakmana.

LUKE 2:37 Iomraidhean Croise

LAA 22:2

O iwui Vare, ina ngashun ngakaowa, kha nana mangahānkāmimana, ngayā jiakha khangasām masamphangmana.

LAA 23:6

Makahatlākla khamathā kala lukhamashan china iwui mirin peichaoda ili shurzatra; Kala katang mavaila Prohowui shimli ina okthuira.

LAA 27:4

Prohowui eina ot akha ina pokahai chiya, iwui mirin peida Prohowui shimli pamkhavai, Prohowui khamathā chi yangpam khavai, kala Khorumshimli ali phākhui khavaina.

LAA 84:10

Kaja khangatei apamli zimiksho thingkhale nawui shimli thangkha phamei. Makhayāwui shimli pamki kajile Varewui khāmong khamayona sāngaimei.

LAA 84:4

Nawui shimli pamda nawui masotlaa sāching kajebing sokhamina.

LAA 92:13

Athumli Prohowui shimli lingsanghai, Varewui kayāngli reisanga.

SHONGZĀ 38:8

Kala ana Pithraiwui khongsai eina aphei, khāmongpheili otram khangatha̱ sha̱naobingwui kalāra̱ngayot eina sākhui.

LUKE 5:33

Athumna ali hānga, “Johnwui sākhangatha̱bingna toilak eina khumda seihā sai kala Phariseebingwui sākhangatha̱bingla chithada sai, kha nawui sākhangatha̱bingva phāshak phazāpamli.”

OTSAK 13:3

Chieina athumna kakhum eina seihā kasā kupkahaiwui thili aniwuitungli pāng khāngkāda seihā sāmilaga chihohaowa.

OTSAK 14:23

Church kachiva̱li anina ararbing kapangsangmi kala kakhum eina seihā sālaga kapang kahai athum chi athumna shitkasanga Prohowui pāngli horsangmi.

OTSAK 26:7

hi ithumwui shang tharāda khanina samphangra da chihānchaoda Vareli ngashun ngayā mateila khokharum china. Kachihān hiwui vang, he awunga, Jihudibingna ili kaphenna.

1 TIMOTHY 5:5

Kachangkhat ra̱meipamda amāng eina khaleiva̱ chiya, awui kachihān Varewuili shāphaida ngashun ngayā seihā sāda kapo mathāhailakmana.

PHONGKHAMI 3:12

Khayuia chili ina iwui Varewui khorumshim pakra̱ akha sāngasakra; ana chiwui eina mangapākluimara kala ina awuitungli iwui Varewui ming kala kazingramwui eina iwui Varewui eina tāki kaji iwui Varewui keinung kadhara Jerusalemwui aming chi kapisangmira; kala iwui kadhara aming chila kapisangmira.

PHONGKHAMI 7:15

Chiwui vang eina athumna Varewui wungpamkhong ngalemli nganingda ngashun ngayā awui shimli otram khangatha̱na; kala wungpamkhongli kapama china awui ngasokhami china athumli khayinmira.

1 SAMUEL 2:2

“Proho thāda kathar khipakha maleimana, Ali langda katei maleimana; ithumwui Vare kathā lunghār maleimana!