LUKE 2:25 - Kathara Bible (BSI)

²⁵ Chitharan Simeon kaho mayarnao akha Jerusalemli leisai, a khamashung-khangarong, shitkasang khangazipa Israelli makarkhami honkapama kala Manglā Katharana ngasokhame mina.

LUKE 2:25 Iomraidhean Croise

HAOKAPHOK 6:9

Noahwui naothot hithai. Noah khamashunga mina, awui thotli shātmakakā mina; Noahna Vareli ngavaplak eina okthui.

JOBWUI LAIRIK 1:1

Uz ngaleili Job hoda mi akha leisai, ava shāt makālak kaja mashungrik kahai, kala Vareli ngacheeda makaphāli makazanga mi akhana.

JOBWUI LAIRIK 1:8

Chieina Prohona Satanli hānga, “Na iwui rao Jobli machukyanghairala, kaja, okathuili shāt makakā; mashungrik kahai, kala Vareli ngacheeda makaphāwui eina ngareikathuiya mi a katha maleimana?”

ISAIAH 25:9

Chithanghon hithāda hāngra, “Yanglu, hi ithumwui Varena; ana ithumli kanmirada ithumna ali ngarai. Hi ithumna khangarai Prohochina; ithumna awui huikhamili ringphāsa kala mathānsa.”

ISAIAH 40:1

Ringpha ngasaklu, iwui mibingli ringpha ngasaklu, da nathumwui Varena hānga.

MICAH 6:8

O mikumo, kaphā chi khikhala; kaji Prohona chitheimihaira kala Prohona nawui eina khi ningkachāngkhala kaji chiya mashun eina kasā, lukhamashanli kakahao, kala ningmazingda Vareli ngasokazat maningmala?

MISHĀN 11:25

Chieina Prohona muiyalung eina tāda ali ngazeka, kala awui eina manglā ngayarda arar hangshini chili sangmi, kala manglā chi athumwuili zangkahai eina, athumna marānuwa. Kha naoda athumna chithāda masāluimana.

MISHĀN 11:29

Kha Mosesna ali hānga, “Iwui vang eina na mikpaishihaola? Prohowui mi saikora marān ngasāsāsi kaja, Prohona awui manglā athumli sangmisāsi kaja jong!”

MARK 15:43

Arimatheawui Joseph kaho khayākaka hanga̱wui minganin kala Varewui wungram kapha mi china malung pinglak eina Pilateli vāda Jishuwui phasā chi apoi.

LUKE 1:41

Elizabethna Marywui shālam tui shāngasha̱da awui naopamli khalei nao chi ngasonkai kala Elizabeth Manglā Katharana pemtinghaowa.

LUKE 1:6

Ani khanini Varewui mangāli khamashung-khangarong mi sāda Prohowui ningkhami kala shiyan saikora mayonda shāt makālakla okthuisai.

LUKE 1:67

Avāva̱ Zechariahli Manglā Katharana pemtinghaoda ana marānda hānga;

LUKE 2:38

Ana atam chichangli khorumshimli kāda Vareli ningkashi mi kala Jerusalemli ngatangkhami honda khalei saikorali nao chiwui pongli hāngchithei.

LUKE 23:51

Athumwui otsak chili a mazangmana kha Vare wungram kharā ngaraikapama mina.

OTSAK 10:2

awui shimkhurwui mi saikora zangda Vareli khangacheea, mibingli sailamlak eina mikashoka, kala seiha sāching kaje mi akha leisai.

OTSAK 10:22

Athumna hānga, “Shipai shākhawui akhavā Corneliusna chihokharāna. Ava Vareli khokharuma kala Jihudi yur katongana kasoa kaphā mi akhana. Nali awui shimli hounglaga nana hāngmikhangai chi nganākhui khavai Varewui kazingraona nali ahokhuilu da ali hānga.”

OTSAK 2:5

Chitharan okathui apam kachiva̱wui eina kharā shitkasang khangazipa Jihudi kachungkha Jerusalemli leisai.

OTSAK 24:16

Chiwui vang eina Varewui miktālila, mibingwui miktālila mashun-makhui chi tharzā eina atam kachida leikhavai ina hotnai.

KHALATLUI 18:15

“Nathumwui ngachaili nachinā ngarāwui eina I kathā marān akha Proho nathumwui Varena shokngasakra, nathumna awui tui khuira—

2 PETER 1:21

Kaja khamarān hi miwui ning eina haokaphok maningmana, kha Manglā Katharana kasatmilaga Varewui eina kharā tui chi mikumona khamatuina.