LUKE 19:44 - Kathara Bible (BSI)

⁴⁴ Athumna nathumli kala ngaveilungli leikasā naongarā saikora shimān ngasakra; lunggui akhawuitungli lunggui akhala maleiluimara, kachiwui vangkhala kaja Varena nali huikida kharā atam nana matheimana.”

LUKE 19:44 Iomraidhean Croise

LAA 137:9

Nawui kateoabingli khuilaga lungguili ngaphitkashānbing chi ringphāra!

ISAIAH 10:3

Katāva̱wui eina siphan zingrotwui alungli tandi mikhavai, rāki kaji zimikshothang nathum khi sāra? Ngachonmi khavai khipāli yāmvāra, kala nathumwui lan kali nothāhaora?

ISAIAH 29:3

Ina nali kuimareida pamphinra, dolan eina kuiphinda, raipan sāphinhaora.

JEREMIAH 11:23

athum akhala mashākmimara. Kaja Anathothwui mibingli ina shāt khuirāra, athumwui tandiwui atam kharā tharan.”

CHAPCHĀT 1:8

Jerusalemna zakshilāk eina morei sai, chiwui vang a khamakhao ngasā kahaina; ali khayāshikasā saikorana ali ningkachaiya, kaja awui khamahong athumna theihaira; mha, akhalattana ngahuiya kala amai ngareithuihaowa.

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

MATTHEW 24:2

Kha Jishuna athumli ngahānkai, “Nathumna saikora hi katheina, maningmala? Ina kachangkhat nathumli kahāngna, mahorkathānhaila ngalung akhawuitungli ngalung akha leiki kaji akhala maleimara.”

MARK 13:2

Kala Jishuna ali hānga, “Shim kahahakbing chi na theida leila? Maja̱tāla ngalung akhawuitungli ngalung akha ngarorda maleisaluimara.”

LUKE 1:68

“Israelwui Proho Vareli sosersa, kaja ana awui mibingli rāngachonmida athumli ngatangkhuihaira.

LUKE 1:78

Varewui lukhamashan mangā eina, ithumwuitungli ana huikhamiwui kahor shokkhangasak chitharan,

LUKE 19:42

“Chingri kahai hi kachiwui eina kharākhala da nathumna aja theisāsi kaja jong! Kha ara chila nathumwui eina thumihaira,

LUKE 21:6

“Nathumna theida khalei, ngalung akhawuitungli ngalung akha maleiluiki kaji atam rārāli; ngalung kachiva̱ phukshoklaga horkathānserhaora.”

1 PETER 2:12

Yurkhangateibingwui alungli acham-aram mathada zatlu, chithākha nathumli khangui khalāng mina da phensālala nathumwui kaphā ot chi athumna theira kala a rāthang Vareli tekkmatei ngasakra.